Tub ntsuag - 4v4 - Akou - la yang - aib viet [Hmong rapper]

Nkauj tawm tshiab 2024
Hmong rapper
Music. La yang +856 20 58763778
ຖ່າຍ. Alee media +856 20 97197152

ເນີ້ອແພງ. Tub ntsuag

Koj puas paub hais tias kuv. ..
lub neej ntsiag to tsis muaj leej twg …

Koj puas paub hais tias kuv …
Mus txog qhov twg los tsuas hnov lo lus ntxub…

Rap….4v4 ..

Koj tsis tau ntsib dua
Zoo li kuv ces koj tsis paub
Txoj kev ua ntsuag ciaj
Yog hais ntau ces mob taub hau

Luag pom dheev yus tshwm tom tej
Luag twb tsis tau nug yus npe
Luag twb mus txiav txim txhua tsav txhua yam
Tag nrho rau yus ua ntej

Tsis muaj niam tsis muaj txiv
Thiab tsis muaj kwv tij ib yam li nej
Hais dab tsis los luag tsis hnov
Hais dab tsi los luag co hau

Ua dab tsi los ua tsis tau
Ua neeg nyob ces tu siab txaus
Thaum muaj ib pab laib
Los muab kuv no koom ntaus

Khiav li khiav los khiav tsis dhau
Ua ib siab cia luag ua saib tsis taus
Yus lub neej tsis muaj cov laus Ces mus txog twg los luag tsuas pom yus mus ua laib thiab mus sib ntaus

Ua neeg nyob yeej xav kom koj thiab kuv thiab peb sawv daws zoo ib yam nkaus
Yog xaiv tau ces kuv twb tsis mus nrog luag tej sib cav sib ceg sib cav sib ntaus

Vim puag thaum ub yus ntse tsis txaus
Raug ib tug hluas nkauj dag xwb
Cia li ua rau koj thiab kuv pab phooj ywg
Peb los sib ntaus

Niaj hnub no tseem xav tsis tag
tseem xav tsis tau
Vim li cas puag thaum ub
kuv thiaj li yog tus txhaum

Tsis tub sab ces tsis tau noj
Tsis sib ntaus ces tsis tau koj
Ntaus nrog hmoob thiab ntaus nrog nplog
Txhua tsav txhua yam kuv tau ua dhau los

Hnub no mam rov qab muab nws
Tig coj mus xav dua ib zaug ntxiv
Tu siab kawg nkaus li kuv txiv
Koj tsuas yug tau koj tub los

Koj tsis cob thiab tsis nrog nyob
Tsis nrog nws mus kom tag ib txhis
Koj me tub lub kua muag si thaum muab neeg nug txog kuv niam kuv txiv lub npe lub xeem seb yog dab tsi

Koj puas paub kuv quaj npaum cas
Saib saum ntuj los yeej yog ntuj
Saib hauv av los yeej yog av
Txhua tsav txhua yam nws cia li ploj tag

Luag thaum yus hais tiag los luag hais dag
Luag yog tus xub ntaus yus ntag
Yog vim li cas txog thaum kawg
Yus yog tus swb txhua tsav txhua yam mus tag

Yog hais tias kuv txiv tseem nrog kuv nyob
hauv lub ntiaj teb no mas
Leej twg los ntshe twb tsis thab
ua dab tsi ntshe luag twb pab

Txawm kuv lub neej tsis zoo npaum li kuv xav no los
Ntshe yuav tsis muaj leej twg los quab yuam
Thiab los caij tsuj kuv zoo li tus qhev
Es mus txog qhov twg los tau qhov phem …..

Rap… akou…

Lub npe ntsuag
Tsis muaj leej twg xav kam ris
Tsis muaj leej twg xav kam yuav
Niam txiv tuag

Tsis muaj leej twg xav kam pab
Yuav tau tawm ua dag ua zog
Tau mus khwv nrog mab nrog suav
Yuav ua cas kom tsheej ib yig

Yuav ua cas kom thiaj xwm luag
Yuav tau tawm
Es mus khwv
Muab siav ciaj mus paub sia tuag

Tsis tsheej neeg
ces tej kwv tij
Luag tsis hlub
Tsis xav nrog tham

Qhov luag tej ntsia koj tsim txiaj
Tsis yog siv dag zog mus pab
Luag tsis ntsia koj lub ntsej muag
Luag saib seb koj puas muaj tsheb loj

Thiab cov nyiaj hauv koj lub hnab
Yog koj ua lub neej txom nyem
Laug saib koj zoo li tus dev
Ua tub ntsuag mas tu siab tshaj

Koj nyob koj los plaub tuaj nrhiav
Luag yuam ntiag
Tuaj txeeb koj tej liaj tej av
Koj tsis hais

Ua tus ruam ces kuj ho zoo
Ho yuav hais
Los yuav tawg kev neej kev tsav
Hos yus tej kwv tij sib hlub

Tus saib yus tsis khuab qhov muag
Tseem mus txia ua tus sab nrauv
Rov tuaj tom thiab rov tuaj thab
Koj hais swb ces luag nyhos koj

Koj hais yeej ces luag hawv qees
Koj lub taub hau
Nrog rau luag
Rab phom as kas

Vim yog yus tau ua tub ntsuag
Tau nyo hau
Muaj tus qhua ua niam ua txiv
Kuv lub neej tsis tshuav leej twg

Ntsuag twm zeej
Tsis muaj txiv ua lub hnub ci
Kuv txoj kev yog kev kua muag
Plaub ntug tuaj tsis muaj neeg pab

Nws tsaus ntuj nti
Koj ua yog los luag tias yuam
Txoj kev is phem poob tag rau koj
Luag yeej tsis pub tub ntsuag dim

Rap…la yang…

Vim li cas
kuv txoj hmoo thiaj los li no
Tos kuv paub kuv txiv lub ntsej muag twb ploj mus lawm ntsiag to

Txiv tej lus zoo
Txiv me tub yeej tsis tau hnov
Thaum kuv me
Kuv yeej ntshaw

Kuv xav paub
Tias yog muaj kuv txiv los hlub
Seb txiv lub xub ntiag
Puas sov

Yog txiv nyob
Niaj hnub no
Ntshe kuv twb
tsis tau quaj thov

Ua dab tsi muaj txiv pab
Neej thiaj zoo
thiab neej thiaj khov
Tab sis tu siab

Vim tias yus tsis zoo li luag
Lub neej no
tsis muaj txiv pab
tsis muaj txiv hlub

Ces luag cem
tias yus yog ntsuag
Tawm rooj plaws
Pom luag tej muaj niam muaj txiv

Ntsuag lub neej ces lwj siab
Quaj pos muag nti
Lam ua neeg nyob
Tos txog hnub lub qhov muag qi

Yuav txia ua kab
Txia ua ntsaum mus nrhiav kuv txiv
Txoj kev lwj siab
Hauv lub ntiaj teb muab faus li nthi

Mus tas ib txhis
Tu tu siab
Txoj kev ntsuag nyob tsis paub ploj
Lub ntuj tsaus lub hnub poob

Tej mi kab mi noog nim ya ua npoj
Los kuv txiv
cas hnub no kuv tsis muaj koj
saib npaum cas nco npaum twg

los tsuas pom kuv txiv lub tsev tuaj nroj