პასუხი ყოფილ პრეზიდენტს - ჟვანიას ოჯახი ექსპრემიერის გარდაცვალების უცნობ დეტალებს ასაჯაროებს

სიცრუე და თემის პოლიტიზირების მცდელობა - ასე ეხმაურება ნინო ქადაგიძე-ჟვანია მიხეილ სააკაშვილის იმ განცხადებას, რომლის მიხედვითაც, ის მეუღლის გარდაცვალების შემდეგ, პრეზიდენტისგან თითქოს თანხას ითხოვდა. ყოფილი პრემიერ-მინისტრის მეუღლე 9 წლის წინ მიხეილ სააკაშვილთან და ზურაბ ადეიშვილთან გამართულ შეხვედრებს იხსენებს და რეზონანსული საქმის საეჭვო გარემოებებს ასახელებს. მათ შორისაა ფოტო ჟვანიას სახეზე არსებული დაზიანებით, რომელიც, ოჯახის მტკიცებით, 2005 წელს მასალებიდან გაქრა. შეფასებები კეთდება FBI-ის ცნობილ დასკვნაზეც, რომლის ქართულ ვერსიას ზურაბ ჟვანიას ძმა ეჭვქვეშ აყენებს და ჟვანიასა და სააკაშვილს შორის დაპირისპირებაზე საუბრობს. დღის ბოლოს სპეციალურ განცხადებას ავრცელებს "ნაციონალური მოძრაობაც", რომელიც რეზონანსულ საქმეზე ნდობის ჯგუფის შექმნას ითხოვს.
ნიკა მოლოდინაშვილი მოგვიყვება ვრცლად ბრიფინგზე, რომელსაც ზურაბ ჟვანიას მეუღლე, დედა, ძმა და მეგობრები ესწრებოდნენ.