Ultras Red Castle

كلمات الأغنية :
ليبيري لخوتنا لي راهم مسجونين
يسهل لحبابنا لي هجروا للغربة
الله يسمحلنا من دمعة الوالدين
كلشي مقدر ولي كاينة راهي باينة
1)--------
هادي بريا نبعثها مالإحتباس ... نحكي على الشعب المظلوم لي راه فالديقة
حالهم كي حالي راه ركبني لهواس... أنا التالي متهوم بقول الحقيقية
ماتبدل والو فيهم راه فاض الكاس ...مزال ڤاعدين غير هوما ولاد بوتفليقة
تبعة ليهود ڤالوها الفيس ماعندهم ساس ... قانونهم يخدم غير مدام عتيقة
و الرجال مباصيا داها تعمار الراس ... وشكون سبابنا الدولة مافيها ثيقة
ڤاع لي صرا زادو حرمونا من لاقراس...كان جات في يدي نكملهم في دقيقة
2)------------
مارانا طمعين لا فيكم لا فالحراك .... الانتخابـــات من بكري مخدوعة
يا غير هنونا و عطوها لجاك شيراك.... علابالنا بيها الصحرا راهي مبيوعة
حقنا داوه ليزيطرونجي و حنا فلهلاك....شبيبة تريسكي تنافيڤي في بوطي طلعة
بزاف لي فينا متخرجين من لافاك.....ديبلوم لي دينا ڤالوا ما ينفع صنعة
زيدو كملوها جيبو من هاك و هاك..وحنا نكملــوها بالتجارة الممنوعة
هربة مبلادكم لوكان لدانيمارك ...ياك رحمة ربــي ماراهي مڤطوعة
3)-----------
ماتحكيليش نعرفو علاش ناض الارهاب...والمصالحة قصتها كانت باينة
غير بيناتهم مع ليام ولاو حباب ...داو لملايير و القليل طالب غير سكنا
يغيدو ولاد بــن طلحة لي داقو لعذاب ... هوما داروها يحصلوا في صحاب السنة
بغاو السيفــــيليزي جاو كونطر الحجاب...نساو بلي آخرتها جهنم و جنة
ظلامت علينا لميمة الوقت صعاب ...كل يوم راهي تزيد تكبر المحنة
كرهنا و كثر فينا الاكتئاب ....تالي فينا صابر فالموت يتمنى