Скачать или смотреть અમારી શાળામાં શિક્ષક દિવસ ની ઉજવણી કરવામાં આવી // Teachers Day

અમારી પી. એમ. શ્રી તોયણી પ્રાથમિક શાળા માં તા. 4 સપ્ટેમ્બર, ૨૦૨૫ ના રોજ શિક્ષકદિન ની ઉજવણી ખૂબ જ હર્ષોલ્લાસપૂર્વક કરવામાં આવી હતી. ભારતના ભૂતપૂર્વ રાષ્ટ્રપતિ, મહાન શિક્ષણવિદ અને તત્વચિંતક ડૉ. સર્વપલ્લી રાધાકૃષ્ણનજીના જન્મદિવસ નિમિત્તે દર વર્ષે આ દિવસ શિક્ષકદિન તરીકે ઉજવવામાં આવે છે.

સવારે શાળાના તમામ વિધાર્થીઓએ પોતાના શિક્ષકગણને ફૂલો અર્પણ કરી શુભેચ્છાઓ પાઠવી હતી. વિધાર્થીઓ દ્વારા વિવિધ સાંસ્કૃતિક કાર્યક્રમોનું આયોજન કરવામાં આવ્યું હતું જેમાં પ્રાર્થના-ગીત, ભાષણ, કવિતા-વાંચન, નૃત્ય તેમજ શિક્ષકગણના વ્યક્તિત્વ પર નિબંધ રજૂ કરવામાં આવ્યા હતા.

વિશેષ રૂપે ધોરણ ૮ ના વિધાર્થીઓએ “એક દિવસ માટે શિક્ષક” બનીને જુદા જુદા વર્ગોમાં પાઠ ભણાવવાનો અનોખો કાર્યક્રમ યોજ્યો, જેને સૌએ ખૂબ પસંદ કર્યો. આ પ્રવૃતિ દ્વારા બાળકોને શિક્ષકના કાર્ય પ્રત્યે માન અને જવાબદારીનો અનુભવ થયો.

શાળાના વડાશિક્ષકશ્રીએ પોતાના પ્રેરણાદાયી સંબોધનમાં શિક્ષકનું સ્થાન માતા-પિતા બાદ સર્વોચ્ચ ગણાવી, શિક્ષક સમાજના સાચા દીવાદાંડી હોવાનું જણાવ્યું. શિક્ષકદિનના અવસરે શિક્ષકોના સેવાકાર્યને યાદ કરીને તેમના યોગદાન માટે આભાર વ્યક્ત કરવામાં આવ્યો.

આ કાર્યક્રમને સફળ બનાવવા માટે સમગ્ર સ્ટાફ તથા વિધાર્થીઓએ સહકાર આપ્યો હતો. કાર્યક્રમના અંતે મીઠાઈ વહેંચવામાં આવી અને સૌએ શિક્ષકદિનની શુભેચ્છાઓ સાથે કાર્યક્રમ પૂર્ણ કર્યો.