Скачать или смотреть बिबट्यांचे हल्ले | Leopard Attack Act l Monsoon Session l Maharashtra l Satyajeet Tambe

बिबट्यांचा प्रश्न हा केवळ वन्यजीवांचा नाही, तर ग्रामीण भागातील नागरिकांच्या जीवित व सुरक्षिततेचा आहे! यासंदर्भात गेल्या अनेक अधिवेशनांमध्ये मी वारंवार आवाज उठवला आहे, पण आजही ठोस उपाय झालेले नाहीत. त्यामुळे आज प्रश्नोत्तर सत्रात या मुद्द्यावर पुन्हा शासनाला विचारणा केली.
ग्रामीण भागात पशुधनाची हानी आणि मनुष्यहानी ही आता रोजची बाब झाली आहे. वन विभागाने तातडीने बिबट्यांच्या नसबंदीची कार्यवाही सुरू करावी, ही कळकळीची मागणी करत याबाबत सातत्याने माझा पाठपुरावा सुरु आहे.
📌 26 जून 2024 – केंद्रीय वनमंत्री मा. भूपेंद्र यादव यांना बिबट्यांच्या नसबंदी संदर्भात कायदा करण्याची विनंती केली.
📌 17 डिसेंबर 2024 – हिवाळी अधिवेशनात याच विषयावर विधिमंडळात मागणी.
📌 7 जानेवारी 2025 – राज्याचे वनमंत्री गणेश नाईक यांना भेटून केंद्राकडे प्रस्ताव पाठवण्याची मागणी.
📌 14 जानेवारी 2025 – माझ्या मागणीनंतर पत्रकार परिषदेत मंत्री गणेश नाईक यांनी प्रस्ताव केंद्राकडे पाठवणार असल्याची घोषणा केली.
📌 10 मार्च 2025 – अर्थसंकल्पीय अधिवेशनात मुद्दा उपस्थित केला. सभापतींनी शासनाला निवेदन सादर करण्याचे निर्देश दिले.
वनमंत्री गणेशजी नाईक यांनीही आज याबाबत उत्तर देताना माझी बिबट्या नसबंदीची मागणी हा एक प्रभावी उपाय असल्याचं स्पष्टपणे मान्य केलं आहे. त्यासोबतच राज्य शासनाने सदर नसबंदीचा प्रस्ताव केंद्राकडे पाठवला असून अद्याप निर्णय प्रतीक्षेत आहे, असंही उत्तरात म्हटलं आहे.
बिबट्यांच्या हल्ल्यांचा अतिरेक सामान्य माणसांनी किती दिवस सहन करायचा? जनतेच्या या रोजच्या त्रासावर कायमस्वरूपी तोडगा काढण्यासाठी तातडीने विशेष बैठक बोलावण्यात यावी, अशी मागणी मी सभागृहात केली. सर्व सामान्य नागरिक शेतकरी व पशुधनाच होत असलेलं नुकसान पाहून राज्य शासनाकडून लवकरच ठोस निर्णय घेतले जातील, याची मला खात्री आहे.