炎明熹公開尋找台灣偶遇路人 周吉佩難忘與仔細首次同台演出

炎明熹公開尋找台灣偶遇路人 周吉佩難忘與仔細首次同台演出

啱啱去完台灣畢業旅行嘅 Gigi炎明熹 ，呢日現身馬場出席慶回歸表演，得到過百名Gi炎粉到場支持。

初次踏足馬場嘅Gigi相當興奮，獻唱多首歌曲嘅佢，當中仲獻唱咗新歌《Little Magic》，輕快嘅節拍令現場觀眾都忍唔住一眾扭動身體。問到Gigi嚟緊會唔會考慮轉為跳唱歌手？雖然佢冇正面回答，但就即席示範自己喺MV入面會經常做嘅一個手勢，仲話叫大家要好好記住，希望下次唱嘅時候大家可以跟住一齊做呀。

講到6月時同幾位好朋友一齊去咗台灣畢業旅行，Gigi話自己全程都有拍片，遲啲會剪成vlog畀大家睇，不過講起呢次台灣之旅，Gigi就話想透過 TVB娛樂新聞台 嚟尋人喇！

同場出席嘅仲有《中年好聲音》嘅三甲 周吉佩 、 李佳 同 羅啟豪，講到最近嘅合唱歌上咗熱搜，李佳同羅啟豪都話好開心，同時亦好多謝fans們咁落力睇個MV呀。吉吉早前同一對仔女同台表演，佢話囝囝未上台前相當緊張，但上台表演完之後，就不停問吉吉幾時可以再一齊表演呀！

#慶回歸 #炎明熹 #尋人 #中年好聲音 #周吉佩 #李佳 #馬場 #畢業之旅 #台灣 #LittleMagic #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0