Ka Thymmei Ka Tynre Ka Tyllong

"Ka Thymmei Ka Tynre Ka Tyllong" kadei ka phlim shaphang ka thymmei wan longbriew manbriew ba shongblei, ka tynrai ka longbriew Hok Manblei Sot, bad ka tyllong ba khuid ba suba jong ka jinglong ba kyrpang bad bun rukom jong U Hynñiewtrep Hynñiawasa.

Ka phlim ka kwah ban pynpaw ha khmat ka pyrthei ïa ka thymmei pyrkhat Niam jong U Khasi lyngba ki khanatang, khamtam ka khanatang U Sohpetbneng kaba batai shaphang ka jingwan longbriew manbriew U Hynñiewtrep Hynñiawasa sha sla pyrthei bad kaba batai ruh kumno ka la san ka pyrthei, ka lyngit ka lyngor bad ka deiti kyntang jong ngi baroh bad ruh ban ri sumar ïa ka Mei Ramew.

Shuh shuh la pyrshang ban pynshai ruh ïa ka bynta ba kyrpang jong U Lum Diengïei bad ka khanatang shaphang U Lymboit Lymbiang U Syiar Ryngkuh bad Ka Mei Syiem Sngi ha Krem Lamet Latang.
Kane ka phlim ka kwah ban pynshai ka nongrim halor kaba U Khasi u sngewthuh ialade, ka jing ïa teh jutang bad U Nongthaw Nongbuh bad ka jing iadei u khun bynriew bad kiei kiei baroh.

Ka khana ka sdang naduh ka Hok nyngkong bad kan ïai bteng haduh bym don jingkut, bym lah ban kynjoh lyngba ka jingim jong iwei pa iwei i mynsiem ba la kha na Ka Hok Ka Shi Kyntien ka Bri U Hynniewtrep

Ban lah ban tip janai shaphang U Khasi, hap ban sngewthuh ruh ïa u sohpet ksiar sohpet rupa jong ka jingiadei naduh ki pa thawlang bad ïawbei tynrai ka jingwan long briew lyngba u lum ba kyntang U Sohpetbneng, bad na u sohpet ksiar sohpet rupa la saiñ dur ïa ka tynrai jingngeit Niam Khasi - Niamtre.

Kumban shu pynpaw ba ha kaba nyngkong, katta ha u snem 2021, ïa kane ka parom jong kane ka phlim la ai kyrteng ïa ka “Ka Hok Ka Shi Kyntien”, hynrei katba nang ïaid pat ki sngi, la sngew donkam ban pynkylla noh ïa ka kyrteng ka jong ka, kum shi bynta ban nang lah ban kham ngam jylliew ne ban tih naduh tynrai ïa ka jingmut kaba janai jong kane ka phang.

"Ka Thymmei Ka Tynre Ka Tyllong" is a film about the divine origins of the Hynnñiewtrep Hynñiawasa, the essence of their spirituality and the pristine source of their vibrant and unique way of life and worship.
The film is a window into the Khasi worldview told through their creation story or origin myth, which preserves their understanding and deep consciousness of Divinity within and everywhere. The story begins at the dawn of Truth, beyond where any mind can fathom, and it continues into eternity with every soul born from it. To understand the Khasi, one must understand the sacred thread that is connected to his origin, U Lum Sohpetbneng - Navel of the Heavens, Navel of the Universe. The sacred thread is the indigenous faith of the land, Niam Khasi - Niamtre.

Originally released in 2021 under the name “Ka Hok Ka Shi Kyntien”, the film has been renamed and further enriched with new scenes to give the viewer a broader and deeper understanding of the diversity and depth of the subject matter.