Скачать или смотреть Қызылордада ішкі бағыттарда қатынайтын автобустар жаңартылып жатыр

Қызылорда қаласында ішкі бағыттарда қатынайтын автобустар жаңартылып жатыр. Қазірдің өзінде әкімдікке қарасты автобус паркі үлкен сыйымдылықтағы 21 қоғамдық көлікпен толықты. Ал жыл соңына дейін 150 жаңа автобус әкелінеді деп жоспарлап отыр.
Қызылорда қаласында қоғамдық көлік тапшылығы жылдар бойы шешімі табылмаған түйіткілге айналған еді. Соның кесірінен көпшілік барар жеріне уақытылы жете алмай әбден сарсаңға түсетін. Кейбір бағыттардағы қоғамдық көліктерді тұрғындар тіпті сағаттап күтетін. Ал жақында жолға шыққан жаңа автобустар арқылы бұл мәселеміз біртіндеп шешіліп келеді деп қуанады көпшілік. Қалаға алғашқы легі әкелінген автобустарды отандық компания құрастырады. Бұл көліктердің кепілдік мерзімі 18 ай. Мұнда жолаушыларға барлық жағдай жасалған дейді мамандар. Соңғы үлгіде жабдықталған көліктерге салқындатқыштар да орнатылған.
МАҚСАТ ЖҮСІП, Қызылорда автобус паркі директорының орынбасары:
— Осы 150 автобус және Қызылорда автобус паркінің 70 автобусы қосылғанда барлық 220 автобус қаламызды 70 пайыз қамтимызбен жоспарлап отырмыз. Келесі келген легімен жабылып қалған бағыттар бар, соларды ашсақ деп отырмыз.
Яғни мамандар жыл соңына дейін қоғамдық көлік қатынасын біршама ретке келтіреміз дейді. Сонымен қоса, жаңа автобустарды әсіресе қаланың шет аймақтарындағы бағыттарға бөлу жоспарланған.
.
.
.
.
Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар