Samoerai - Annatommy

UZNDVT
Beat Produced by Brecht
Recorded & mixed by Samoerai
Lyrics:

Anna, peizt da ze moet olle dagen geil zien
t’perfecte figuur en, eur oar moe gestijld zien
ze wilt eur schikken no de visie up de vrouw
dorom doe ze zaken da ze liever nie wou.

Anna, peizt da ze moet supersexy kleers koopen
doen wat dan de vintn willn of ze bluft olleen over.
ze wilt eur schikken no de visie up de vrouw
dorom doe ze zaken da ze liever nie wou.


Anna groeit up in e wereld vul clichés
woa dat de macht zit in stiletto’s en in diepe decolletés
in magazines zien de vrouwn perfect gemaquilleerd
of gephotoshopt, ma da stoa nergens letterlijk geschreevn

eur beeld van de gemiddelde vrouw is totaal gelogen
de perfecte boezem, strakke koent en zaadvragende ogen
fata morgana, mor iedereen gelooft erin
dus Anna doet eur beste voer e plekke in de stroom te vindn

ze investeert in zaken da ze zelf nie hoog acht
want heel eur leven oor ze heesan mo dezeste boodschap.
„e schoon meisje is gewild bie iedereen en overol
zolange da ze sexy is en pertinent de mode volgt

en liefst van ol, is ze van nature nymfomoan
dus kortom: look good en tgot ol vanzelve goan.”
mo das geweune t’beeld da de vint et van e vrouw
en up die mannelijke logica is us systeem gebouwd.

t’droait allemaal om lust, ol in et neoliticum
zien vrouwn enkel dragers van de masculiene vrucht.
in de mannelijke visie, de vrouw eur destinoatie
wos et voortbriengn van e sterke nieuwe generoatie

en doa stoppet, plots kwamt er beschaving up de proppn
en probeerde vintn vanuvoort de goeste up te kroppen
mo das enkel schone schien, beschaving mor e woord
want de jaren ging voorbie en olles bleef gelik dervoorn

en Anna komt terecht in de grote culminoatie
anno 2017, de computergeneroatie.
up internet et ieder meisje minimum e d cup
en zien ze olle dagen juste mo me sex bezig.

en 1 is nie genoeg, e trio of e quartet
olle standjes da de kama sutra mor in pacht et
Anna peist da sekssymbolen ol de macht en
da komt omda Tommy uze wereld zo gemakt et.


Tommy, peist dat ie moet olle dagen stoer zien
drugs doen, drank zupn, olle dagen cool zien
ne wilt em schikken no de visie van de man
dorom doet ie zaken dat er niemand a verwacht.

Tommy, peist da meisjes juste mo voe sex dienen
dat er in ze leven nie veel meer is dan der in vliegn.
ne wilt em schikken no de visie van de man,
dorom doet ie zaken dat er niemand a verwacht.


Tommy groeit up in e wereld vul clichés
woa dan de vrouwn deur de vinten wordn geobjectiveerd
als klein vintje wordt ie me porno geconfronteerd
en wordt ze libido gekoppeld an de mokken up pc.

ne groeit up met t’idee, dat er nix anders da sex is
da liefde juste mor in liedjes e begrip is.
de meisjes in ze klasse zien voer em nog veels te joengk
dus wordt ie nie verliefd, mo got ie via internet up zoek.

hele dagen surfen no de meest bizarre sites
en deur gin eigenbeeld te vorm, doet ie mee met al de hypes
zo beinvloedboar als wa
ze status is omhulselzoender vulsel, tleven is veel minder da verwacht.

"woa zien ol die ete mokken, die broenstige studentjes
kzie olene geile gastn en e bende vule ventjes
ol de meisjes in me schole zien qua uiterlijk e puppe
mo je nimt ze mee nor us en ze zien duidelijk wa schuchter.

de wereld up computer is veel schoender dan den echten
olene bie wa porno krieg ik ier nog e rechtn.”
Tommy is betoverd deur e wereld van bedrog
woa da nix is wat dat liekt, mo da volt azo nie op

ot goe gecamoufleerd is, ze leven is bubbeldie uiteenspat
tmoment dat ie de leegte nie ku vullen.
de sex is uppervlakking, relaties van korte deur
de meisjes dat ie kent beschouwn em als e profiteur.

der is twa dat ie mist, en is terneergeslagen,
af en toe e korte troost mor ook vele lege dagen.
e n’is zoveel gevoeliger dan da ze moatn weten
mo ze moatn ook, iedereen is soms oenzeker.

de grote massa doet lik dat er nieten an de hand is
'yeep oe ist?' 'olles goed e ja', terwijl daj in de zak zit.
tgene da Tommy mist is liefde, ne kan da
pas verkriegen deur respect te toogn voe de echte Anna.