Скачать или смотреть 陳山聰Bob馬國賀歲片谷票房積極宣傳 反差萌爆笑對白贏口碑

陳山聰Bob馬國賀歲片谷票房積極宣傳 反差萌爆笑對白贏口碑

陳山聰、梁烈唯及林盛斌（Bob）投資、製作及主演嘅馬來西亞賀歲電影《媽媽又要嫁》，踏入馬年即傳來好消息，自大年初一上映以嚟口碑票房雙雙報捷，票房衝破200萬令吉（約400萬港幣）大關，令「三兄弟」振奮不已。

「三兄弟」連同戲中飾演媽媽嘅伍詠薇為谷票房積極宣傳，近日「三兄弟」再去當地進行第二輪宣傳攻勢，馬不停蹄去到不同戲院謝票，親自答謝入場觀眾支持。作為一套笑中有淚、溫馨動人嘅合家歡電影，成功吸引大量家庭觀眾入場支持，尤其係唯唯鬼馬演繹、伍詠薇霸氣幽默、Bob爆笑對白，再加山聰反差萌，令唔少觀眾讚口不絕。

唯唯呢次身兼編劇表示：「就是我寫這故事想要做到的，其實我好幾次的謝票，我在旁再睇，也會忍唔住喊！有這樣的票房，真係好感謝入埸睇的觀眾。」山聰此行帶同太太、兒子Jaco及工人姐姐一同到大馬，

太太跟Jaco大讚套戲好睇，山聰問Jaco好唔好笑，Jaco答：「有好笑啦！」山聰踢爆阿仔因睇戲有爆谷食，睇得好開心，而工人姐姐覺得套戲好好笑，所以山聰相信電影質素確不錯。提到新戲票房口碑雙報捷，山聰坦言真係好開心，但「三兄弟」未敢鬆懈，希望盡力跑宣傳謝票谷票房。

#陳山聰 #梁烈唯 #林盛斌 #馬來西亞 #賀歲電影 #媽媽又要嫁 #三兄弟 #伍詠薇 #口碑 #票房#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0