Скачать или смотреть Ugrawakia/Pengenter Acara Bahasa Bali (Ni Luh Putu Listya Dewi)

Parikrama Wanti Warsa Sekaa Truna Budi Luhur Desa Jagapati Kaping 34

Pamahbah (Pembukaan)
Inggih Ida Dane sareng sami sane wangiang titiang,riantukan sampun sida kacumawisan
pisuguh samatra ring ajeng durus unggahang!
Santukan sampun manut sekadi panumaya galah, parikramane rahinane mangkin pacang
kakawitin.
Om Swastyastu
Kaping Ajeng Perbekel Jagapati sane dahat mustikayang titiang
Kelian Desa Adat Jagapati sane kusumayang titiang
Manggala Dinas lan Manggala Adat Jagapati sane wangiang titiang
Manggala Sekaa Teruna Sajebag Desa Jagapati sane wangiang titiang
Asapunika taler Para Atiti sane wangiang titiang
Lugrayang ngaturang rasa anggayubagia aturang titiang majeng ring Ida Sang Hyang Widhi
Wasa riantuk majanten sampun wantah sangakaning pasuecanida,mawinan i raga sareng sami
prasida mapupul iriki.Nenten lali titiang ngaturang Swasti Prapta,Rahajeng Semeng antuk
kaledangan ida dane ngrauhin parikrama Wanti Warsa Sekaa Truna Budi Luhur Kaping 34

Daging (Isi)
Pinaka panyembrama jagi kaunggahang sasolahan “Sekar Jepun”. Para pragina miwah penabuh
inggih durusang!
Para atiti sane wangiang titiang.
Ngiring tincapang malih parikrama selanturnyane inggih punika sambarama wacana saking
manggala karya. Majeng ring dane Manggala karya inggih punika Sekaa truna Budi Luhur
inggih durusang!

Para Atiti sane wangiang titiang
Parikrama selanturnyane inggih punika sambrama wacana saking Perbekel Desa Jagapati.
Majeng ring Perbekel Desa Jagapati , inggih durusang!
Inggih asapunika wawu sambrama wacana saking Perbekel Desa Jagapati, sane mangkin
parikrama keping untat inggih punika panglilacita marupa sasolahan arja.
Inggih sesampune puput sasolahan arja saking angga Sekaa Truna Budi Luhur,puput taler
dudonan parikrama rahinane mangkin.

Pamuput (penutup)
Ida dane sareng sami sane dahat wangiang titiang
Kadi asapunika titiang prasida ngenter parikrama rahinane mangkin. Matur suksma antuk uratian
ida dane sareng sami,menawita ring sajeroning titiang ngenterang parikrama puniki wenten atur
titiang sane nenten manut ring arsan ida dane sami nenten lali titiang nunas geng rena
pangampura, untatin titiang parikramane puniki antuk paramasanthi
Om Santhi Santhi Santhi Om