#Edujournal

Испанияда олий таълим: кириш осону битириш қийин университетлар

Маҳфуза ОРТИҚОВА
Филология фанлари бўйича фалсафа доктори (PhD), Испан тили ўқитувчилари Европа Ассоциацияси аъзоси, Испания ташқи ишлар вазирлиги стипендиати мақоласи

Мақолада Испания университетлари, уларнинг фаолият юритиш тизими ҳақида муҳим, қизиқарли маълумотларлар келтирилган.

Испан университетлари тизими умумий ҳисобда дунё рейтингида 5-ўринни эгаллайди. Ёшлар учун қулай макон: Испан университетлари АҚШ ёки Буюк Британия олий таълим муассасалари каби дунё рейтингида энг етакчи ўринларни эгалламаса-да, Европа Иттифоқига аъзо бошқа давлатларга нисбатан Испанияда яшаш анча арзонлиги, солиқларнинг ҳукумат томонидан назоратда ушлаб турилиши сабаб мазкур давлатда ўқишга нафақат испаниялик, балки хорижлик ёшлар ҳам кўп интилади. Испаниянинг нуфузли олийгоҳлари дунёнинг энг яхши беш юзталигидан жой олган. Масалан, Барселона университети (114), Валенсия университети (195), Барселона автоном университети (200), Гранада университети (233), Севилья университети (278), Мадрид автоном университети (289), Каталан политехника университети (302), Мадрид политехника университети (322), Валенсия политехника университети (339), Сарагоса университети (390) шулар жумласидандир .