1924 წლის საბჭოთა რეპრესიები თელავის მაზრაში - პროფესორ თენგიზ სიმაშვილის ლექცია

🏴 2024 წლის ზაფხულში 100 წელი შესრულდება ყველაზე დიდი ქართული ანტისაბჭოთა აჯანყებიდან, რომლის მიზანი იყო საქართველოს გათავისუფლება ოკუპაციისგან და დემოკრატიული რესპუბლიკის აღდგენა.
თავდაპირველად აჯანყების მონაწილეებმა მოახერხეს მცირე წარმატების მიღწევა, დაიკავეს დასავლეთ საქართველოს რამდენიმე დასახლება, მაგრამ არაორგანიზებულობისა და სუსტი კოორდინაციის გამო წინააღმდეგობა მალევე დამარცხდა.
აჯანყების დამარცხებას რეპრესიების ტალღა მოჰყვა. საბჭოთა ხელისუფლების წარმომადგენლებმა სასამართლო განხილვების გარეშე ათასამდე ადამიანი დახვრიტეს.

🏠 აჯანყების ასიწლისთავის აღსანიშნავად, "კავკასიურმა სახლმა" ლექციის წასაკითხად მოიწვია თელავის სახელმწიფო უნივერსიტეტის პროფესორი, ისტორიის დოქტორი - ბ-ნი თენგიზ სიმაშვილი. 5 ივნისს, 17 საათზე იგი სახალხო უნივერსიტეტის სტუდენტთა წინაშე წარსდგა მოხსენებით: „1924 წლის საბჭოთა რეპრესიები თელავის მაზრაში (ახლადმოძიებული საარქივო მასალების მიხედვით)“

🎓 გაეცანით პროფესორ თენგის სიმაშვილის რეზიუმეს თელავის უნივერსიტეტის ოფიციალურ ვებგვერდზე: http://tesau.edu.ge/.../humanitaruli/...