İstisu və Turşsuda kimlərlə qarşılaşdıq? – APA TV KƏLBƏCƏRDƏ - APA TV

#APATV #Kəlbəcər #İstisu #Turşsu #Boyaxlı #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi

İstisu və Turşsuda kimlərlə qarşılaşdıq? – APA TV KƏLBƏCƏRDƏ

Dolanbac yollarla qalxırıq. Yorulmuruq, sanki düz yolda gedirmişik kimi qalxırıq 3261 metr yüksəkliyə. Ömər aşırımını keçib Kəlbəcərə çatmaqdır istəyimiz.

Murovdağ yüksəkliyindəyik. Demək olar ki, bura yaz indi gəlib. Hər tərəf rəngbərəng çiçəkdir. Hava gözəl, mənzərə möhtəşəmdir. Buludlar ayağımızın altında qalır...

Biz də dərdlərə dərman olan yerlərdən birinə, İstisuya getmək üçün yol alırıq. Rayon mərkəzindən 7-8 kilometr aralıdakı İstisuya çatanda deyilənlərin, dərdlərə dərman olan bu yerlərin niyə bu qədər sevildiyini anlayırıq.

İstisudan sonra yol alırıq Turş suya. Turş suya qalxanda qarşımıza yaylaqlara təsərrüfatlarını gətirən Kəlbəcərlilərlə qarşılaşırıq.

Şəhid bacısı Sədaqət Məlikova deyir ki, Vətən torpağına ayaq basandan bütün ağrıları dinib: “Dünəndən mənim bütün ağrılarım keçib. Baş ağrım, əməliyyatlarımın ağrısı keçib. Vətənimi gördüm. Sizə borcluyuq şəhidlərimiz. Ömür boyu sizə borcluyuq”.

Şəhidin həyat yoldaşı Yaqut Şirinova da Kəlbəcərdə doğulub, böyüyüb: “Kəlbəcərliyəm. Burda doğulub böyümüşəm. Gözəl yerlərimizi gəlib gördük, şəhidlərimizin qanı bahasına, Prezidentimizin apardığı siyasət nəticəsində. Bu torpaqlara qovuşmuşuq. Şükür torpaqlarımız azad olub. İndi qurub yaradacağıq. Bu gün, körpə çıxan uşaqlarımız 30 yaşında, Allah qoysa onlarda qurub-yaradacaq, bu torpaqlarda yaşayacaq düşmənə göz dağı verəcək”.

Şəhid qızı Nilufər İsmayılova isə deyir ki, Kəlbəcərdən çıxanda 4 yaşı olub: “4 yaş yarım olanda burdan çıxmışam. Az da olsa xatırlayırdım, xatırladığım kimi də qalıb. Şəhid Natiq Məlikovun qızıyam. 2 gündür burdayam. Hiss elədim ki, tamlaşmışıq, bütövləşmişik. Elə bil yarımçıq idi. Hər şeyimiz vardı, yenə də yarımçıq idi. Amma indi bütövləşdik”.

Şəhid ailəsi olan kəlbəcərlilərlə sağollaşıb Turş suya gedən cığırla yolumuza davam edirik. Və nəhayət mənzil başına çatırıq.

Kəlbəcər rayonun Boyaxlı kəndinin ərazisindəyik. Sözün əsl mənasında bir cənnətə düşmüşük. Bir tərəfdə dağlardan süzülüb gələn bulaq suları, digər tərəfdə təbii yolla özü qaynayıb çıxan Turş sudur. Tərkibində turşuluq var, sərindir, bu su marketlərdən pulla aldığımız sulardan həm dadlıdır, həm də müalicəvi əhəmiyyəti var.

Bu bulaqların ətrafında çadır qurub günlərlə yox, aylarla da qalmaq olar. Lakin biz yolumuza davam etməliyik. Ona görə də geri qayıdırıq. Yolda yenə 86 yaşlı Şövkət nənə ilə qarşılaşırıq. Deyir Kəlbəcərdən məcburi köçkün düşdükdən sonra Gəncədə məskunlaşmışam:

“Kim bilir nələr çəkirəm
Arı kimi şan çəkirəm içəridə.
Ölmürəm ki, can çəkirəm içəridə
Kəlbəcərim deyə-deyə qalmışdım... Bu günümə şükür, qadan alım...”
Belə müsahiblərimizlə sağollaşıb, yanlarından ayrılırıq. Çünki hələ çəkiləsi çox məkan, deyiləsi çox söz var.


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]