Скачать или смотреть સેવાલીયા: પરિણીતાના પ્રેમી નિલેશ પરમારે જ હત્યા કરી હોવાનો ખુલાસો,પોલીસે રિકન્સ્ટ્રક્શન કર્યુ...

ગળતેશ્વર તાલુકાના સેવાલીયા ગામે ગત 12 ફેબ્રુઆરીના રોજ હાઈવે પરથી 33 વર્ષીય પરિણીતાનો મૃતદેહ મળી આવ્યો હતો. જે મામલે પોલીસે તપાસ કરતાં ચોંકાવનારો ખુલાસો થયો છે. કોઈ બાબતે પ્રેમી સાથે ઝગડો થયો હતો. જેથી આવેશમાં આવીને પ્રેમીએ પ્રેમિકાને જોરથી ધક્કો માર્યો હતો. જેના કારણે માથામાં ગંભીર ઈજાથી મોત થયું હતું. બીજી તરફ પ્રેમીએ પોલીસને ગેરમાર્ગે દોરવા લાશ હાઈવે પર ફેંકી દીધી હતી. જોકે, પોલીસે આરોપીની ધરપકડ કરી લીધી છે.આ અંગે મળતી માહિતી મુજબ ગળતેશ્વર તાલુકાના સેવાલિયા ગામે ગત 12 ફેબ્રુઆરીના રોજ સ્વામિનારાયણ મંદિર પાસે હાઈવે પરથી 33 વર્ષીય પરિણીતા પૂજા પટેલનો મૃતદેહ મળી આવ્યો હતો.પ્રથમ દ્રષ્ટિએ આ અકસ્માતનો બનાવ લાગતો હતો, પરંતુ મૃતદેહની હાલત અને આસપાસની સ્થિતિ જોતા સેવાલિયા પોલીસને શંકા ગઈ હતી કે આ માત્ર અકસ્માત નથી પણ હત્યા હોઈ શકે છે. આ દિશામાં પોલીસે તપાસના ચક્રો ગતિમાન કર્યા હતા.પોલીસની ઝીણવટભરી તપાસ અને ટેકનિકલ સર્વેલન્સમાં ચોંકાવનારી વિગતો સામે આવી હતી.જેમાં પૂજા પટેલ અને નિલેશ પરમાર નામના શખ્સ વચ્ચે પ્રેમ સંબંધ હોવાનું ખુલ્યું હતું. શંકાના આધારે પોલીસે નિલેશની અટકાયત કરી પૂછપરછ કરતા તેણે પોતાનો ગુનો કબૂલી લીધો હતો. આ ખુલાસા બાદ પોલીસે આરોપીની વિધિવત ધરપકડ કરી કાયદેસરની કાર્યવાહી હાથ ધરી છે.ઘટનાના દિવસે પૂજા અને નિલેશ જલારામ મંદિર સામે આવેલી એક ખાનગી પ્રોપર્ટીમાં મળ્યા હતા.અહીં કોઈક બાબતે બંને વચ્ચે ઉગ્ર બોલાચાલી થઈ હતી અને ઝઘડો વધતા નિલેશે આવેશમાં આવી પૂજાને જોરથી ધક્કો માર્યો હતો. આ ધક્કાને કારણે પૂજા પટકાઈ હતી અને તેમના માથાના ભાગે ગંભીર ઈજાઓ પહોંચી હતી. આ ઈજા એટલી જીવલેણ હતી કે, પૂજાનું ઘટનાસ્થળે જ કરુણ મોત નીપજ્યું હતું.પૂજાનું મોત થતા ગભરાયેલા નિલેશે પુરાવા નાશ કરવા અને પોલીસને ગેરમાર્ગે દોરવા માટે એક ખતરનાક પ્લાન બનાવ્યો હતો. તેણે આ ખાનગી પ્રોપર્ટીમાંથી પૂજાના મૃતદેહને ઉપાડી પોતાની અલ્ટો ગાડીમાં મૂક્યો હતો. ત્યારબાદ મોડી રાત્રે તે લાશને હાઈવે પર લઈ ગયો અને રસ્તા વચ્ચે ફેંકી દીધી હતી, જેથી કરીને કોઈને એમ લાગે કે આ કોઈ અજાણ્યા વાહનની ટક્કરે થયેલો અકસ્માત છે.ગુનેગાર ગમે તેટલી હોશિયારી વાપરે પણ કાયદાના હાથથી બચી શકતો નથી. સેવાલિયા પોલીસે સીસીટીવી ફૂટેજ અને અન્ય પુરાવાઓના આધારે કડીઓ જોડી નિલેશના આ 'એક્સિડન્ટ' ના ડ્રામાનો પર્દાફાશ કર્યો હતો. આરોપીની ધરપકડ કર્યા બાદ પોલીસ તેને ઘટનાસ્થળે લઈ ગઈ હતી અને આખી ઘટનાનું રિકન્સ્ટ્રક્શન કરાવ્યું હતું, જેથી ગુનાની સાંકળને વધુ મજબૂત કરી શકાય.આમ, એક પ્રેમ સંબંધનો અંત લોહિયાળ હત્યામાં પરિણમ્યો છે. હાલમાં સેવાલિયા પોલીસે આરોપી નિલેશ પરમાર વિરુદ્ધ હત્યા અને પુરાવા નાશ કરવાનો ગુનો નોંધી જેલના સળિયા પાછળ ધકેલી દીધો છે.