"Кыталыктаах кырдалым" киинэни Амма Покровкатыгар устубуттара 👍👏☀️

Кыталык Уйбаан - Иван Дьячковскай 90-с сылларга үгүс ыччаты кэрэҕэ, сырдыкка сирдээбит, ыра санаа туоларыгар эрэл кыымын сахпыт "Кустугу ситтэрбиэн" диэн олоҕун сэһэнин туһунан кинигэтигэр олоҕуран, талааннаах режиссер Михаил Лукачевскай "Кыталыктаах кырдалым" диэн саҥа киинэтин Сахабыт сирин бары киинэ тыйаатырдарыгар муус устар 25 күнүгэр сүрэхтээтэ.
Киинэ продюсера, киэн туттар биир дойдулаахпыт Семен Аманатов баҕатынан киинэни Амма улууһун биир ураты кэрэ айылҕалаах, киэҥ дуол бааһыналардаах Майскай нэһилиэгэр устубуттар. Манна Покровка олохтоохторо маассабай сценаларга ситиһиилээхтик оонньообуттар, устар бөлөх үлэлииригэр, олороругар бары усулуобуйаны тэрийэн күүс-көмө буолбуттар.
Үтүө үтүөнэн төлөнөр дииллэринии, устар бөлөх Покровка олохтоохторугар киинэ нууччалыы тылбааһын "Там, где танцуют стерхи" киинэни буор-босхо көрдөрөн, Саха Өрөспүүбүлүкэтин күнүгэр бэлэх оҥордулар.

Биэриини бэлэмнээтэ Вера ИВАНОВА

Хаартыскалары М.М. Лобанов аатынан Майскайдааҕы культура дьиэтин сайтыттан туһанныбыт.

#фильм #якутия #амга #покровка #премьера #съёмки #саха #сахалыы #киинэ #режиссер #лукачевский #сюжет #лайк #подписка #репост