Скачать или смотреть Qeyri - adi traktor - Cəlilabad

Cəlilabad rayon sakini qeyri-adi traktor hazırlayıb. Minik və yük avtomobilinin ehtiyat hissələrindən hazırlanmış texnika görənlərin marağına səbəb olub. Bu qeyri-adi texnikanı Cəlilabadın Uzuntəpə kənd sakini Təvəkkül Nəsirov nə az, nə çox düz 10 -a yaxın avtomobilin ehtiyat hissələrindən hazırlayıb.

İxtisasca mühəndis olan Təvəkkül Nəsirov bu işə hələ 18 il əvvəl başlayıb. O dövrdə torpaq islahatından sonra yaranmış texnika çatışmazlığı onu yeni traktor düzəltməyə vadar edib. Mühəndis traktorun ilkin variantının hazırlanmasında "Vaz-2106" markalı minik avtomobilinin mühərrikindən və köhnə yük avtomobili olan "Qaz-53" markalı avtomobilin sürət qutusundan istifadə edib. Lakin sonradan traktorun gücünü artırmaq məqsədi Sovet istehsalı olan hərbi avtomobillərin ehtiyat hissələrini də əlavə edib. Minik və yük avtomobillərinin ehtiyat hissələrindən ərsəyə gələn traktorun kiçik olması bu texnikanı həyətyanı sahələrdə rahat istifadə etməyə imkan verir. Qeyri-adi traktor qoşqusu ilə birlikdə 6 ton yükgötürmə qabiliyyətinə malikdir. Əgər sifariş olarsa bu traktorun eynisindən hazırlamaq Təvəkkül Nəsirov üçün heç də çətin deyil. Bunu da onun özü deyir.