Скачать или смотреть 許紹雄喪禮丨歐陽震華難捨老友離世 多年舊識送Benz雄別塵世

許紹雄喪禮丨歐陽震華難捨老友離世 多年舊識送Benz雄別塵世

資深演員 許紹雄 上月底不敵癌魔離世，佢嘅家人喺11月17日為佢設靈，翌日出殯，唔少圈中朋友都有前嚟送Benz雄最後一程，好似有一早抵達嘅高海寧、三哥苗喬偉同太太戚美珍、麥長青、陳志健、關禮傑一家、陳敏之、余安安、鮑起靜、方平、羅樂林等等，Benz雄嘅契女佘詩曼亦一早現身靈堂，臉上難掩不捨之情。

大殮以佛教儀式進行，大約中午12點半完成，許紹雄生前嘅一班摯友苗僑偉、麥長青、歐陽震華、阮兆祥、關禮傑、杜燕歌、羅樂林同曾偉明肩負起扶靈重任。Benz雄嘅遺孀神情哀傷，由女婿同阿佘攙扶離開靈堂。Benz雄女兒許惠菁捧住亡父嘅遺照，與同母異父嘅哥哥登上靈車，陪同爸爸嘅靈柩奉移到火葬場火化。

火化儀式過後，一眾親友都表現哀傷，尤其阿佘更喊到雙眼通紅。同Benz雄合作無間嘅歐陽震華，亦談及昔日同故友嘅相處點滴，佢話Benz雄係自己藝員訓練班嘅大師兄，兩人結片緣就係二十年前，加上三哥一齊拍劇集《賭場風雲》。

佢指無諗過Benz雄就好似劇中人物一樣先離世，仿佛戲如人生。又大讚故友嘅演技同才華，喺對方面前可以話係無地自容，佢話好可惜又少咗一位能夠令觀眾睇到五體投地嘅好演員。

與Benz雄相識四十多年嘅三哥，談及故友彌留狀況，都忍唔住幾度哽咽，三哥話當日喺醫院見到故友時，Benz雄已插晒喉處於昏迷狀態。三哥直認見到Benz雄時感覺極之心痛。兩人相識多年，而Benz雄又一直好錫自己，彼此相處融合又冇壓力，而近年更可以話係合作無間，所以佢嘅離世，令自己好痛心。

#許紹雄 #喪禮 #benz雄 #大殮 #火化 #許惠菁 #扶靈 #苗僑偉 #麥長青 #歐陽震華 #阮兆祥 #關禮傑 #杜燕歌 #羅樂林 #曾偉明 #佘詩曼 #高海寧 #梁靖琪 #陳志健 #陳敏之 #余安安 #鮑起靜 #方平 #賭場風雲 #無地自容 #五體投地 #昏迷 #心痛
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0