Скачать или смотреть თეთრი ხელჯოხის საერთაშორისო დღესთან დაკავშირებით, სახალხო დამცველი განცხადებას აქვეყნებს

15 ოქტომბერი თეთრი ხელჯოხის საერთაშორისო დღეა. ამ თარიღს სახალხო დამცველი განცხადებით ეხმაურება, სადაც ნათქვამია, რომ საქართველოში უსინათლო და მცირემხედველი პირების სრულფასოვანი ცხოვრება და ადამიანის უფლებებით თანაბარი სარგებლობა ჯერ კიდევ სერიოზული გამოწვევაა.

"საზოგადოებრივი თავშეყრის ადგილებში გათვალისწინებული არ არის ვიზუალურ და ხმოვან ინფორმაციათა დუბლირების შესაძლებლობა. მისაწვდომობის სტანდარტს ვერ აკმაყოფილებს სატელევიზიო, ელექტრონული და ბეჭდური მედია;

ამავე განცხადების მიხედვით, 2015 წელს სახალხო დამცველმა წინადადებით მიმართა კომუნიკაციების ეროვნულ კომისიას შეზღუდული შესაძლებლობის მქონე პირთათვის, მათ შორის უსინათლო პირთათვის ინფორმაციის მისაწვდომობის უზრუნველყოფის თაობაზე, თუმცა პრობლემა კვლავ გადაუჭრელია.

მოუგვარებელია დასაქმების საკითხიც. უჩა ნანუაშვილი შესაბამის უწყებებს, გამოწვევების დაძლევის მიზნით, კონკრეტული ქმედებების განხორციელებისკენ კიდევ ერთხელ მოუწოდებს.