DD News Mizoram - Chanchinthar | 25 October 2024 | 6:30 PM

HEADLINES:

1. Health Minister Pi Lalrinpuii Association for Voluntary Blood Donation (AVBD) patron nibawk Office Chamberah AVBD Gen Hqrs Excutive Committee an thukhawma, Tun thla 6 chhung hi Mizoramah a thlawna thisen pek tam ber tum a ni tih tarlan a ni.

2. Sports Minister Pu Lalnghinglova Hmar chuan tunhnaia mizo mipa thi an tam chu vei tlan a tul tih Body Building & Fitness Association of Mizoram (BBFAM) in Mizoram State Sports Council puihnaa LPS Fitness Festival an buatsaih a hmanpuinaah a sawi.

3. Sericulture Minister Pu Lalthansanga'n Silk Samagra - II hnuaia Eri Cut Cocoon (Pangang inzial) thar chhuah Metric Ton 2, State pawna thawn chhuah tur chu Directorate of Sericulture, Chaltlang, Aizawl atangin a vailiam.

4. Lok Sabha MP Pu Richard Vanlalhmangaiha chuan October ni 21 atanga ni 24 chhung khan Mumbai a tlawh a, a cham chhung hian Mizoram House hmun thar tur Navi Mumbai ami a tlawh.

5. Supply Minister Pu B.Lalchhanzova leh Karnataka Supply Minister KH Muniyappa ten kawng hrang hranga thawhho dan tur an sawi dun.

6. Kulhpawn Monitoring Committee ten Aizawl Press Club ah thuthar lakhawmtute kawmin Mizoram Lokayukta Chairman chu Mizoram Police Headquarters hnuaia Police Quarters 26 sak chungchanga Contractor thlan dan dik lo chhui chiang turin an ngen tih an sawi.

7. Aizawl District Disaster Management Authority member ten an Chairman leh Aizawl District Bawrhsap ni bawk Er. Lalhriatpuia hovin khuarel chhiatna alo thlen thulha chet lak dan tur chungchang zirhona an chhim.

8. Mizoram Political Science Association (MIPSA) Annual Conference leh International Seminar chu Aijal Club-ah neih a ni.

9. Tuipui tlawhchhan Joint YMA aiawha Duty Khawbung Branch member 6 te chuan Dynamo hmanga Tuipuia Sangha mantute changin an hmanrua leh sangha man sa an chhuhsak a, cheng singkhat chawi turin an hrilh bawk.

10. President Draupadi Murmu chuan Raipur-a All India Institute of Medical Sciences (AIIMS) convocation vawi 2-na a hmanpui.

11. Prime Minister Narendra Modi chuan Asia Pacific Conference of German Business-a thu a sawi naah, India mi kut themthiam skilled professionals te tana kum tina Germany visa quota sing 2 awm thin chu sing 9 ah tihpun a ni a ti.

12. Thlipui Cyclone Dana avangin West Bengal ah mi pakhat a thi.

13. Prime Minister Narendra Modi leh German Chancellor Olaf Scholz te chuan New Delhi ah Intergovernmental Consultations vawi-7na an kaihruai.

14. Chief Justice of India Justice DY Chandrachud chuan kum 75 kalta chhungin Supreme Court chu mipui court ah a insiam a ti.

15. Jharkhand inthlanpui thawh khatna lo awm tur atana hming pekluh hun chu vawiin khan a tawp.

16. Chief Justice of India thar atan Justice Sanjiv Khanna ruat a ni.

Khawchin:
Min - 21 °C
Max - 27 °C
Inrinni khian Lunglei, Lawngtlai leh Siaha District hmun ṭhenkhat (26%–50%)ah ruah sur theihna (50%–75%) a awm a. Mamit, Serchhip, Saitual leh Hnahthial District hmun tlemte (isolated places i.e., 1%–25%)ah ruah sur theihna 26%–50% a awm. Kolasib, Aizawl, Champhai leh Khawzawl District-ah khua ṭha tura rin a ni.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram