300 არაგველი - ტექსტი/lyrics

#GeorgiaLyrics #like #subscribe
______________________________________
ტექსტი :

სწრაფად გავრცელდა მთიულეთს
დანაბარები მეფისა
გაუტეხარნო მთიულნო
შვილნო ვითარცა მეხისა (2x)

გადამიბუგეს ქალაქი
თქვენსკეღა დავყრი ღონესა
ურჯულნო თარეშს იწყებენ
გულები დააღონესა (2x)

რა მაისმინეს მთიულთა
ერეკლეს დანაბარები
ჩაიცვეს ჯაჭვის პერანგი
აკრიფეს შუბი, ფარები (2x)

ლომისის კართან შაგროვდნენ
შასთხოვენ ხატებს შველასა
დაგვლოცე დიდო ლომისავ
და შაგვეწიე ყველასა (2x)

ფიცს დებენ ხატის წინაშე
არავინ გადგეს შორადა
ვინც გასტეხს ამ ფიცს ვაჟკაცნო
დედამც შაირთოს ცოლადა (2x)

სამასი გმირი ვაჟკაცი
არაგვის ჭალებს დაუყვა
მიდიან ძმათა საშველად
კრწანისის გზებზე გაუყვა (2x)

ეკვეთნენ არაგველები
ხმლები იშიშვლეს ლომებმა
ჯერ ვერ დაღალა მკლავები
ამდენმა ბრძოლა-ომებმა (2x)

ერთ კაცსა ათი ებრძოდა
ემატებოდა ათია
იბრძვიან მთიულთ შვილები
მაჯებში ცეცხლი ანთია (2x)

ომიდან გაჰყავთ ერეკლე
მხლებელნი გზას უკაფავენ
მისდევენ არაგველები
და მტერს ფეხდაფეხ კაფავენ (2x)

სად მიგყავთ მოხუცი მეფე
ნუთუ დავჰკარგე ღონია
მთიულნი ჩამამივიდნენ
ახლა იწყება ომია
მათ გვერდით თუ არ ვიბრძოლე
ეგრე ვის გაუგონია

ცხენი მოვარდა ხადაში
შუბით ფერდშია დაჭრილი
სისხლი აქვს მოსართავებზე
უნაგირ აჭრილ-ჩაჭრილი (2x)

სამასი ვაჟის დედაი
სამას შვილს ელის კარადა
სამასი ვაჟი სამშობლოს
შამამტვრევიყო ფარადა (2x)

მზეც მოჰფარვიყო ქედობას
სხივები წითლად დიოდა
იხუტებს დროშას მთიული
გულს სისხლი ჩამასდიოდა (2x)

ხადაში გლოვის ზარი დარეკეს
იმოსებოდნენ შავად დედები
შავ ღრუბლებს ჰფენდენ ცრემლის სადენად
გუდამაყრის და მთიულთ დედები (2x)

კრწანისის ველზე მთიულებს
ჩასძინებიყოთ ლომებსა
მათი გმირული სურათი
თვით მტერსაც დააღონებსა
მათი სახელის დიდება
ახლაც ბევრს დაგვამონებსა

მათი სახელის დიდება
ახლაც ბევრს დაგვამონებსა