Скачать или смотреть 東張西望｜港婦閃嫁內地男遭騙婚？ 內地夫拒認並懷疑兒子非親生

【東張西望】港婦閃嫁內地男遭騙婚？ 內地夫拒認並懷疑兒子非親生
事主阿娥報《東張》，講述自己嫁錯內地丈夫嘅經過。

話說喺2019年，事主經母親嘅同鄉姊妹介紹認識咗一名自稱做過生意嘅汕尾男子阿成，佢曾經離婚，想再組家庭，雙方見面十次即閃婚。

兩夫妻分隔兩地，靠互發訊息溝通，婚後事主隨對方回夫家生活。最初事主覺得對方可靠，但後嚟發現對方既唔工作又唔養妻，雙方觀念亦有落差，相處時矛盾不斷出現，搞到事主一度想離婚，唯當時事主懷孕生B先將呢段婚姻挽救返嚟。

但後嚟阿成開口向事主借錢買車遭拒絕，雙方關係破裂，事主返香港打工自力湊仔，而丈夫阿成就人間蒸發

但喺2024年，阿成突然主動聯絡事主，話想佢幫自己申請來港，聲稱會照顧妻兒，並簽下夫妻協議書，答應來港後每月俾10000元家用，但喺取得身份證後再次人間蒸發，事主要靠朋友通知先知道人哋一個月前早就來港。

事主向阿成討要說法，反被對方要求離婚，聲稱忍咗事主4年咁話。事主表示大受打擊，認為對方取得香港身份證後就玩失蹤，打算離婚嘅同時舉報阿成騙婚，就此一拍兩散。

《東張》嘗試聯絡阿成，並得到對方回應。阿成堅稱自己有俾家用，並展示過數記錄作證，表示同老婆割席並唔係因為為咗香港身份證，而係對方成日同佢講錢令佢反感，更控訴事主喺網上公開佢個人資料，四圍唱衰佢拋妻棄子，令佢非常困擾。

此外阿成更爆出佢喺事主舊手機入面發現佢同前男友嘅舊訊息，內容涉及兒子疑似係事主同佢前男友所生，疑似自己被戴綠帽。更發現事主喺正式辦理離婚前就率先喺網上平台上徵婚。

事主否認阿成提出嘅綠帽指控，並已經將兒子頭髮樣整寄往阿成嘅律師，相信好快就會有結果。另外事主亦承認自己有搞徵婚，表示法庭已於去年9月接受離婚申請，自己屬於單身，並冇犯重婚罪，不過事後有關徵婚貼文已經被刪除。

#東張西望 #TVB #閃婚 #騙婚 #民生 #時事
東張西望為你直擊香港民生時事：https://bit.ly/35Ba1zK
想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm