Скачать или смотреть Urkullu: "Jaurlaritzari, seriotasunez, zorroztasunez, konpromisoz kudeatzeko kultura itzuliko diogu"

EAJren EBBren presidente eta lehendakarigaiak, Iñigo Urkulluk Donostiako ekitaldian adierazi du EAJk "seriotasunez, zorroztasunez, konpromisoz kudeatzeko kultura itzuliko diola Eusko Jaurlaritzari. Guk betidanik egin izan dugun moduan".
Urkulluk baieztatu du lehenengo minutuan kanpo auditoria bat proposatuko duela eta hortik aurrera "beharrezkoak ez diren gastuak ezabatzen hasiko dela. Administrazioaren ohiko gastua murriztuko dugu. Barneko egitura arindu. Aholkulari kopurua murriztu, auto ofizialak ere bai. Erakunde arteko lankidetza hobetuko dugu bikoiztasunak saihesteko. Orohar, alferreko gastuak kenduko ditugu, beharrezkoa ez den euro bakar bat ere ez gastatzeko".

"Itxurakoa, alferrekoa kenduko dugu, eta ezinbestekoa mantendu. Ezinbestekoa lana eta gastu soziala dira. Ezinbestekoa dira, osasuna, hezkuntza, gizarte zerbitzuak eta pentsioak, alegia, ongizate gizartearen zutabeak", ziurtatu du Urkulluk.

Edozein dela ere Gobernatuko duena, gastuen murrizketa ezarri beharko du, onartu du, eta era berean aitortu du, zor publikoak erabat baldintzatuko duela hurrengo Gobernuaren aurrekontua.

Bukatzeko, hautagai jeltzaleak adierazi du Gobernu sendo bat behar dela krisiari aurre egiteko, eta ondorioz gizartearen babes zabala beharko dela. Horregatik, hurrengo igandean EAJ bozkatzera deitu ditu herritarrak.