Скачать или смотреть پاکستان نے اپنی سکواڈ کا اعلان کردیا

پاکستان کے وکٹ کیپر بیٹر محمد حارث کو پاکستان شاہینز وائٹ بال ٹیم کا کپتان مقرر کردیا گیا۔
ورلڈ کپ کے لئے پاکستان ٹیم میں شامل عثمان خان کو پاکستان شاہینز ٹیم میں شامل کرلیا گیا ہے، صاحبزادہ فرحان کی قیادت میں پاکستان شاہینز کی ٹیم گزشتہ روز آسٹریلیا کے شہر ڈارون پہنچی جہاں وہ بنگلہ دیش اے کے خلاف چار روزہ دو میچز کھیلیں گے۔اس دورے پر دو ون ڈے اور نوٹیموں پر مشتمل وائٹ بال سیریز بھی ہوگی، جس کے لئے پی سی بی نے پاکستان شاہینز کی وائٹ بال ٹیم کا اعلان کرتے ہوئے محمد حارث کو کپتان مقرر کردیا ہے۔اس کے علاوہ شاہینز کی ریڈ بال ٹیم میں سات تبدیلیاں کی گئی ہیں، ریڈ بال سکواڈ میں شامل کامران غلام، خرم شہزاد، مہران ممتاز، محمد علی، مبصر خان، طیب طاہر اور عمر امین وائٹ بال ٹیم کا حصہ نہیں ہوں گے۔ان کی جگہ عبدالفصیح، عرفات منہاس، عارف یعقوب، جہانداد خان، محمد حارث،محمد عمران جونیئر اور عثمان خان شامل ہیں۔ عثمان خان نے امریکا میں کھیلے جانے والے ورلد کپ میں پاکستان کی نمائندگی کی تھی۔اس کے علاوہ محمد حارث نے آخری بار کولمبو میں اے سی سی مینز ایمرجنگ ٹیمز ایشیا کپ 2023 میں پاکستان شاہینز کی کپتانی کی تھی۔ فائنل میں پاکستان شاہینز نے بھارت کو 128 رنز سے شکست دے کر ٹائٹل کا کامیابی سے دفاع کیا تھا۔
شاہینز کے 50 اوورز کے میچز بالترتیب 4 اور 6 اگست کو ناردرن ٹیریٹری (NT) اور بنگلہ دیش 'A' کے خلاف ہوں گے،بعد ازاں T20 سیریز 9 اگست سے شروع ہوگی۔ ٹی ٹوئنٹی سیریز میں 9 ٹیمیں شرکت کریں گی۔