Скачать или смотреть 🛑LIVE: UWARI KAVUMBAMITEEKE NTAKINYWA INZOGA! INTAGANZWA ONESPHORE| DUHUMURIZANYE 17/02/2026 @6:00am

Kubera gukunda inzoga cyane, abamuzi bamwitaga Kavumbamiteke. Igihe kimwe yarasinze ashaka gutema mukuru we birangira barwaniye inkota ntiyagera ku cyo yashakaga. Amaze kubona uburyo inzoga zimukoresha ibibi, yahise azivaho ndetse atangira inzira yo gusengera mu Itorero ADEPR mu mwaka wa 1992. Yaje kumenya umucyo w’isabato binyuze kuri Radio Ijwi ry’Ibyiringiro mu mwaka wa 2007. Kuva icyo gihe yafashe umwanzuro wo kuruhuka isabato amaze gusobanukirwa neza umunsi nyakuri w’ikiruhuko.

Uyu yitwa Ntaganzwa Onesphore utuye mu Karere ka Gicumbi mu Ntara y’Amajyaruguru. Ni we tubana mu Kiganiro Duhumurizanye cyo kuri uyu wa 17/2/2026 kuri Radio Ijwi ry’Ibyiringiro. Ni uguhera saa 6:00-8:00 za mu gitondo.
Arasaba buri wese kugendera mu bushake bw’Imana kugira ngo abere abandi igisubizo aho kubera Leta n’abaturage umutwaro. Ni ikiganiro yagiranye na Valens Uwimana.

Dore ibibazo tuganiraho:

1) Akimara kubona uburyo inzoga zamukoreshaga ibibi, yafashe umwanzuro wo kuzireka burundu. Umaze kumva ubu buhamya, wavuga iki ku muntu ukomeza kwizirika ku nzoga avuga ko kuzinywa nta kibazo kuri we?

2) Yafashe umwanzuro wo kuruhuka isabato akimara gusobanukirwa neza n’umunsi nyakuri w’ikiruhuko. None wavuga iki ku bantu bavuga ko kuruhuka isabato ntacyo bimaze ndetse ko ari ukwizirika ku munsi? Ese birakwiye ko twubahiriza andi mategeko ariko byagera ku isabato, tukavuga ko kuyiruhuka atari ngombwa?

3) Ni iki wavuga ku ivugabutumwa rikozwe mu buryo bw’ikoranabuhanga ukurikije uburyo Ntaganzwa Onesphore yakiriye ubutumwa bwiza binyuze kuri Radio Ijwi ry’Ibyiringiro?