Скачать или смотреть قصيدة عبدالله بن زويبن في الشاعر محمد شبيب الحداري

يا هاجس الشعر صحصح حان ميعاده
و اصخر لنا اللي تميزها فرايدها

عن القصايد تفرد مثل جلاده
‏اللي طوال الغوارب ما تقلدها

‏ليا مشت من علفها مالها راده
‏مغير تحدى عن البل لا تهبدها

وإلا فتاة عليها درع و قلادة
متناسقٍ مع زبرجدها زمردها

بنتٍ لشيخٍ كبير و حافظ شداده
كلٍ يبيها لكن ما طلب يدها

من دونها واحدٍ ما يثلم أحفاده
ما يقدر الطرقي الدوار ينشدها

يا راكب اللي يسر البـال مـلكاده
‏يقرب ديــار و ديــارً يـبعدهــا

‏جلده مع الخط كـنه جـلد رعـاده
‏يمحى النوامي بـردهـا يوم يرجدها

‏جـبـينـها كـن فيه لحام حداده
‏كن السحابه تجـزا يوم يبجدها

‏من قدم ساهر يجي ويروح ما صاده
‏من سرعته لوحته يــزري يـوكـدهـا!

جيبٍ ليا مر صدقانه و حساده
يفتح جروح و جروحٍ يضمدها

ملفاه ربعٍ لهم باللقا قولة هلا عادة
للضيف و الجار باسطةٍ موايدها

كل هبد لبته وابدى استعداده
للحفلة اللي توافدنا بموعدها

لا أقصى العرب عن وفاهم تعطي إفادة
كلٍ على شاشة الصحراء يشاهدها

بقيادة اللي ذبح للضيف معواده
يوم النضا جات فاضيةٍ مزاودها

يكرم ليا شح راع الزاد في زاده
و النفس متكفلٍ فيها من أوجدها

عن الردا و التهاون حصن احفادة
كلٍ نصوحة على القمة مشيدها

عبدالكريم الزمان اللي مضى عاده
كل التقاليد و العادات جددها

ما حط له بيت حب الذات بفؤاده
نفسه لخدمة بني عمّه مجندها

ما حط له بالظلال فراش و وسادة
نفسه على كسبة الناموس يجهدها

سلايمه جامعين طيب وعباده
‏افعالهم ما تخذل اللي يمجدها

‏عن نطحة الواجبه ما هم بـ صداده
‏اليا لوا العفن حجانه وعقدها

‏بالعسر واليسر سداده وقداده
‏في كل وقفات حرب الي بدايدها

من( الزبيرة ) الـيا أقصى ( الليث ) منقاده
بناه الفخر المخلد في سواعدها

تكريمكم للحداري قدر واشادة
‏وحنا نشير بمواقفكم ونيدها

‏قد فاز في قول ميه نعم وزيادة
‏زيادةً مالها رقم يحددها

‏ومن قبل عشرين من تاريخ ميلاده
‏له حكمة كل خلق الله ترددها

ما ودّي آخوض بالموضوع و أبعاده
للناس عادات و سلومٍ تقيدها

‏و الشعر واجد محبينه و روادة
‏و اليا طلع داهيه يطلع وراه .. ادها

مصيبة الشعر من تحكيم نقادة
‏تنقد بلا عرف واهل العرف تنقدها

‏شعر النبط مالهم مركاض في ماده
‏بالمجتمع مالها شعراً يخلدها

‏⁧‫#عبدالله_بن_زويبن‬⁩ رحمه الله .