Дразды - Беларусь ты мая (прэм’ера песні)

Беларусь ты мая - чарговы твор з сумеснага праекту паэта Леаніда Пранчака і гурта Дразды


Словы : Леанід Пранчак
Музыка: Карпанаў Віталь
Аранжыроўка : Дразды

Беларусь ты мая
леанід
ПРАНЧАК

Зямля пяшчоты і святла,
Ты стала мне святою.
О, Беларусь, ты не была
Ніколі мне чужою.
Цябе я сам не выбіраў:
Мая ад нараджэння.
Цябе мне лёс удзячны даў,
Нібы благаславенне.

Беларусь ты мая, Беларусь,
Золкай раніцы водар гаркавы.
Беларусь ты мая, Беларусь,
Неба – Богава, наша – зямля.
Беларусь ты мая, Беларусь,
Край любові, пакуты і славы,
Ты мая калыска!
Матуля мая
Ты малітва мая!
Радзіма мая!

Зямля дзядоў,
Зямля бацькоў,
Ручнік, матуляй тканы…
Ляціць да зораў рэха слоў,
Табою вымаўляных.
Твой родны сын, цябе люблю.
На злых вятрах эпохі
І ты, прашу я і малю:
Любі мяне хоць трохі!