"BƏYİN OĞURLANMASI"NDA BİQEYRƏT XORUZ

“Bəyin oğurlanması”nda çox adamın fikir vermədiyi bir gülməli səhnə var. Bu kadrlara baxın.
Səhnənin niyə gülməli olduğunu bildiniz? Diqqətlə baxın, indi izah edəcəm. Bu səhnədə Həsən Əhməd dayını gözləyir. Əhməd dayı isə əvvəlcə toyuq hininə girir, xoruzu çıxarıb ona biqeyrət deyib qırağa atır. İlk baxışda bu səhnə mənasız görünür. Ancaq Əhməd dayının əlinə fikir versəniz, səhnənin mənası aydınlanacaq. O, əlində mağazadan aldığı yumurtalarla qayıdır. Toyuqlar yumurtlamır deyə xoruzu biqeyrətlikdə günahlandırır. Əlbəttə, deyə bilərsiniz ki yumurta olması üçün xoruza ehtiyac yoxdur axı. Ancaq filmin müəllifləri bu məqamın üstündən keçiblər. Bu kimi nüanslarla kənd həyatının koloritini filmdə çatdırmağı bacarırlar. Bəs sizin bu filmdən hansı ifadə yadınızda qalıb?