Скачать или смотреть წულუკიანი: სტრასბურგის სასამართლომ მერაბიშვილის საქმეზე საქართველოს მთავრობის საჩივარი დააკმაყოფილა

საქართველოს შინაგან საქმეთა ყოფილი მინისტრის ვანო მერაბიშვილის საქმეზე საქართველოს მთავრობის სარჩივარი სტრასბურგის სასამართლომ დააკმაყოფილა.

ამის შესახებ იუსტიციის მინისტრმა თეა წულუკიანმა განაცხადა.

მისივე ინფორმაციით, სტრასბურგიდან იუსტიციის სამინისტრომ წერილი დღეს მიიღო.

მინისტრის თქმით, 14 ივნისს სტრასბურგის სასამართლოს მიერ გამოტანილი გადაწყვეტილება ძალაში არ შედის და დიდ პალატაში განხილვა თავიდან დაიწყება.

მთავრობა არ ეთანხმება ე.წ ფარცხალაძის ეპიზოდს და მერაბიშვილის საკნიდან გაყვანას. წულუკიანის განცხადებით სამინისტრომ უტყუარი მტკიცებულებები წარადგინა სტრასბურგის სასამართლოში, რაც სასამართლომ გაიზიარა.

"2016 წლის 17 ოქტომბერს ადამიანის უფლებათა ევროპული სასამართლოს 5 მოსამართლისგან შემდგარმა კოლეგიამ დააკმაყოფილა საქართველოს მთავრობის საჩივარი, რომლითაც იუსტიციის სამინისტრომ ივანე მერაბიშვილის საქმეზე ამავე სასამართლოს ერთ-ერთი პალატის მიერ 2016 წლის 14 ივნისს გამოტანილი გადაწყვეტილება გაასაჩივრა. შესაბამისად, 14 ივნისს გამოტანილი გადაწყვეტილება არ შედის ძალაში და არ მიექცევა აღსასრულებლად. დღეს მიღებული გადაწყვეტილების თანახმად, მერაბიშვილის განაცხადი განსახილველად გადაეცა სასამართლოს დიდ პალატას 17 მოსამართლის შემადგენლობით, რომლის წინაშეც საქმის განხილვა დაიწყება თავიდან.

მართალია, 14 ივნისის გადაწყვეტილებით სტრასბურგის სასამართლოს პალატამ 7 მოსამართლის შემადგენლობით ერთხმად დაადგინა, რომ ივანე მერაბიშვილის წინასწარი პატიმრობა იყო კანონიერი, თუმცა გაჩნდა კითხვის ნიშანი 2013 წლის 14 დეკემბერს მერაბიშვილის საკნიდან სავარაუდო გაყვანის ეპიზოდთან დაკავშირებით, რასაც არ დაეთანხმა საქართველოს იუსტიციის სამინისტრო და კონვენციით დადგენილ ვადაში, 2016 წლის 13 სექტემბერს, ეს გადაწყვეტილება დიდ პალატაში გაასაჩივრა", -აღნიშნავენ იუსტიციის სამინისტროში.