Скачать или смотреть VANAPA LUNGPHUN (Vanapa thlan neitu a thlahten, a ruang zalhna hmunah hriatrengna lung an phun)

Vanapa thlan hi kum 150 dawn laia upa a ni ta. Sawi dan hrang hrang a lo awm thin. Mahni khua tih lar duhna avangin sawi dan hrang hrang alo awm thei thin a, chu chu Mizo pasaltha hming thang leh sawi hlawh ber a nih vangin khaw tih lar duhna leh Vanapa hlut vang pawh a ni ang. Amaherawhchu, Vanapa thlan hmun duh luat vangin thu fahrah tete phuah belh leh inhnial fo hi tawk tawh rawh se. A thih lai 1871-a a fa pathum te-Vanchiaua, Lianchungnunga, Ralduha te, a tupa Hranghlei (1844-1911) leh a tunu Chawnpuithangi te N. Diltlang awmlaia awm ve ngeite’n an lo sawi, an thlahte thurochhiah kal zel angin Date 5.12.2019 (Ningani)-a Vanapa chungte Vanapa thlan nei tute a tuchhuan te’n a thlan hmun tih chianna leh Vanapa hriatrengna lung, a thlan hlui kianga Granite lung lian leh man to tak an phun tak atang hi chuan, lo la ngaihtuah vak ngailote tan pawh Vanapa thlan chu hai rual a ni ta lo. Kan pu kan pate thlan hi kan chhungkaw ta (private property)-a ni a. Kan ngaihvena, kan hre ber vek bawk. Vanapa thlan hi hmun dangah a awm lo, tih hi vawi duai lo a thlahte’n an lo sawi tawh thin. Hetianga lungphun hnuah hi chuan khawi laiah mah, Tuithoh lui kam ami lo hi chu, Vanapa thlan hmun dangah a awm lo. Chuti chung pawha hmun dang la sawi fo tute hi chuan a thlahte (lungphuntute) hi an zah lova, Vanapa thlarau ngei pawh an zah lo tihna a ni. A thlah te a thlan neitu ber ten an chhungkaw thuro in chhiah dan anga an lo sawi thin sawi buai tum reng an awm chuan, sawibuaitute chu court lamah chinfel chi a ni tawh ang. Sual vang emaw mawl vang emaw ngawt lo chuan mi thurochhiah sawi bawrhban hi tum ngawt chi a ni lo.