Скачать или смотреть BABATI STAR SEARCH TALENT VIBE YAHITIMISHWA KWA MAFANIKIO MAKUBWA

.
Mashindano ya kuibua vipaji ya babati star search talent vibe yaliyofanyika mjini Babati Mkoani Manyara yamehitimishwa huku zaidi ya washiriki 80 kutoka fani mbalimbali za sanaa ikiwemo uimbaji, uigizaji, dansa, vichekesho, kwaya, uongozaji wa filamu pamoja na sanaa nyingine wakishiriki mashindano hayo yanayolenga kukuza vipaji vya vijana mkoani hapo.



Wakizungumza baada ya kutamatika kwa mashindano hayo, baadhi ya washiriki na washindi wamesema mashindano hayo yamewapa jukwaa muhimu la kuonesha vipaji vyao pamoja na kupata uzoefu, wakiwataka wadau wa sanaa kuendelea kuwaunga mkono vijana wenye vipaji.

kwa upande wao, waandaji wa mashindano hayo wameeleza kuridhishwa na mwitikio mkubwa wa washiriki pamoja na ubora wa vipaji vilivyojitokeza, wakiahdi kuyaendeleza mashindano hayo ili kuwainua wasanii wa ndani ya Halmashauri ya mji wa Babati na Mkoa wa Manyara kwa ujumla.



Akizungumza kwa niaba ya Mkurugenzi ya Halmashauri ya mji wa Babati Shaaban Mpendu,Afisa michezo wa Halmashauri hiyo Marco Kiula amepongeza waandaji kwa kuandaa jukwaa la kuibua na kukuza vipaji vya vijana, akisisitiza umuhimu wa sanaa kama chanzo cha ajira na maendeleo kwa jamii.