Murovdağ Silsiləsi - Koroğlu - Ömər yüksəklikləri, Göygöl rayonu, Toğanalı kəndindən çəkiliş.

Azərbaycanın dilbər guşələrindən olan Göygöl rayonunun Toğanalı kəndindən Murovdağ silsiləsinin çəkilişi. Murovdağ silsiləsi birinci Qarabağ silsiləsi dövrundən Vətən müharibəsinə qədər Azərbaycan-Ermənistan qoşunları arasında cəbhə rolunu oynayıb. Silsilə Şərqdən qərbə 70km uzunluqda, Şimaldan cəbuna 10km enliyində olan, Üzərində bir neçə strateji yüksəkliyi olan Daşkəsən, Göygöl, Goranboy, Kəlbəcər və az dağətəyi hissələri Tərtər rayonuna düşən Kiçik Qafqazın ən böyük silsiləsidir.

Videoda sizlərə silsilənin Göygöl-Kəlbəcər istiqamətinə düşən hissəsinin görüntülərini, Həmçinin ərazinin əsas strateji yüksəklikləri olan Ömər dağı(3395.5) və Koroğlu dağı(3462.7) və bu iki strateji yüksəklik arasında olan adı bir çoxlarınıza məlum olmayan yüksəklikləri təqdim edirəm.

Qeyd etmək istərdim ki, silsilə tarixin Azərbaycan ərazisində olan iki böyük müharibəsinə, həm birinci, həm ikinci Qarabağ savaşının ən qanlı döyüşlərinə şahidlik edib. Rəsmi mənbələrin verdiyi məlumata görə, Birinci Qarabağ müharibəsi zamanı Murov dağ silsiləsində olan Ömər yüksəkliyi uğrunda ölkəmiz 4000 nəfərə yaxın şəhid verib. İkinci Qarabağ müharibəsi zamanı Murovdağ döyüşlərində Azərbaycan tərəfi 235 nəfər itki vermişdir.