Скачать или смотреть கொங்குநாடு கலை அறிவியல் கல்லூரியின் ஆண்டுவிழா

கோயம்புத்தூர் கொங்குநாடு கலை அறிவியல் கல்லூரியின் ஆண்டுவிழா கல்லூரி வளாகத்தில் உள்ள மாரப்ப கவுண்டர் ஆறுச்சாமி கலையரங்கில் நடைபெற்றது. விழாவில் தமிழ்நாடு டாக்டர் எம்.ஜி.ஆர். மருத்துவப் பல்கலைக்கழகத்தின் முன்னாள் துணைவேந்தரும் சென்னை, சாஸ்த்ரா பல்கலைக்கழகத்தின் இயக்குநருமான டாக்டர் சுதா சேஷய்யன் சிறப்பு விருந்தினராகப் பங்கேற்றுச் சிறப்புரையாற்றினார். அப்போது அவா் பேசுகையில், மாணவ, மாணவியா் தங்களின் பொறுப்பை உணர்ந்து செயல்படவேண்டும் என்றும், கடமையிலிருந்து பின்வாங்காமல் சவால்களை மகிழ்ச்சியுடன் எதிர்கொண்டு எதையும் சாதிக்க முடியும் என்ற நம்பிக்கையுடன் இருக்க வேண்டும் என்றும் குறிப்பிட்டார்.
விழாவில் கல்லூரியின் செயலா் மற்றும் இயக்குநா் டாக்டர் சி.ஏ. வாசுகி தலைமையுரையாற்றினார். கல்லூரியின் முதல்வா் வே. சங்கீதா ஆண்டறிக்கை வாசித்தார். முன்னதாகக் கல்லூரியின் மாணவா் பேரவைத் தலைவா் செல்வி எஸ். தொம்னிக் லித்வினா வரவேற்புரை ஆற்றினார்.
ஆய்வுகளில் சிறந்து விளங்கிய பேராசிரியா்களுக்குச் சிறப்பு விருந்தினா் சான்றிதழ்களை வழங்கிப் பாராட்டினார். முதல் மதிப்பெண் பெற்ற மாணாக்கா்களுக்குச் சான்றிதழ்களையும் சிறந்த துறை, சிறந்த ஆராய்ச்சித்துறை ஆகியவற்றுக்கான சுழற்கோப்பைகளையும் நூல்கள், ஆய்விதழ்களில் கட்டுரைகளை எழுதிய பேராசிரியா்களுக்குச் சான்றிதழ் மற்றும் ஊக்கத் தொகைகைளையும் கல்லூரியின் செயலா் மற்றும் இயக்குநா் டாக்டர் சி.ஏ. வாசுகி வழங்கினார்.
அதனைத் தொடா்ந்து மாணவா் பேரவையின் செயலா் செல்வன் பி. பவன் கிருஷ்ணன் நன்றியுரையாற்றினார். விழாவின் நிறைவில் மாணாக்கா்களின் கண்கவா் கலைநிகழ்ச்சிகள் நடைபெற்றன.