Скачать или смотреть വർഷങ്ങളുടെ അവഗണനയിൽ ആറളം എടൂർ ഏച്ചില്ലം റോഡ് | Aaralam Edoor Echillam Road in years of neglect

വർഷങ്ങളുടെ അവഗണനയിൽ ആറളം എടൂർ ഏച്ചില്ലം റോഡ്

വർഷങ്ങളേറെയായി ഇതേ അവസ്ഥയാണ് ഈ റോഡിന്. എടൂര് നിന്നും ആറളം ഗവ. ഹയർ സെക്കൻഡറി സ്കൂളിലെക്കും ആറളം പോസ്റ്റ് ഓഫീസിലേക്കുമൊക്കെ എത്താൻ ഏറ്റവും എളുപ്പമേറിയ വഴി. എന്നാൽ റോഡ് പണിത് വർഷങ്ങൾക്കിപ്പുറം റോഡിന് അറ്റകുറ്റ പണികൾ നടത്തുവാനോ റീ ടാറിംഗ് ചെയ്യുവാനോ ബന്ധപ്പെട്ട അധികാരികൾ ആരും തന്നെ ഇല്ല. പ്രധാനമന്ത്രിയുടെ ഭാരത് നിർമ്മാൺ ഗ്രാമീണ റോഡ് നിർമ്മാണ പദ്ധതിയിൽ ഉൾപ്പെടുത്തിയാണ് വർഷങ്ങൾക്ക് മുൻപ് ഈ റോഡ് പണി പൂർത്തീകരിച്ചത്. എന്നാൽ പിന്നീട് ബന്ധപ്പെട്ടവരാരും ഈ വഴി തിരിഞ്ഞ് നോക്കിയിട്ടില്ല. യാതൊരു വിധ അറ്റകുറ്റ പണികളും ഉണ്ടായിട്ടില്ല.

പ്രധാനമന്ത്രിയുടെ ഭാരത് നിർമ്മാൺ ഗ്രാമീണ റോഡ് നിർമ്മാണ പദ്ധതിയിൽ നിന്നുമുള്ള ഫണ്ട് ഉപയോഗിച്ച് ബ്ലോക്ക് പഞ്ചായത്ത് മുഖാന്തരമാണ് ഈ റോഡിന്റെ അറ്റകുറ്റ പണികളും റീടാറിഗും നടത്തേണ്ടത്. എന്നാൽ അധികാരികൾക്കൊന്നും ഈ റോഡിന്റെ അവസ്ഥയെപറ്റിയും ഈ നാട്ടുകാരെപറ്റിയും യാതൊരു ആവലാതിയുമില്ല. ഈ റോഡിൽ തന്നെയാണ് തോട്ട്കടവ് പാലവും, ഈ പാലത്തിലൂടെ മറുകരയെത്തുന്നത് പാലത്തിന്റെ നീളക്കുറവും ദൈവാനുഗ്രഹവും മാത്രം കൊണ്ടെന്ന് നാട്ടുകാരും യാത്രക്കാരും. പാലത്തിന് അടിയിലെ കെട്ട് മുഴുവൻ മഴയ്ക്ക് ഒലിച്ചു പോയി ഇപ്പോൾ പാലത്തിനും തിണ്ടിനും ബലമായി ഉള്ളത് സൈഡിൽ കെട്ടിയിരിക്കുന്ന പ്ലാസ്റ്റിക്ക് ഷീറ്റ്. അതിനും ഈ പാലത്തിനും ആയുസ് അടുത്ത ഒരു കനത്ത മഴ വരെ മാത്രം.

ഇലക്ഷൻ ആകുമ്പോൾ മാത്രം ഈ വഴി വരുന്ന രാഷ്ട്രീയക്കാരും നേതാക്കളും ഇനിയെങ്കിലും തിരിഞ്ഞ് നോക്കിയിലെങ്കിൽ അടുത്ത തവണ വോട്ട് ചോദിക്കാൻ ഈ തോട് നീന്തി കടക്കടന്ന് വരേണ്ടി വരും.