Ayodhiyil Valzhum ...SriRama Navami 2024Special@Ragamalika Adambakkam

பாடல்-அயோத்தியில் வாழும்
ராகம் - வலஜி

அயோத்தியில் வாழும் எங்கள் கண்மணி ஶ்ரீராமனே
அன்பென்ற நிலவாய் தவழும் ஆனந்த ரகுனாயகனே
சக்ரவர்த்தி திருமகன் என்ற திரு நாமம் படைத்தவனே
நெஞ்சினில் சீதைதனை தாரகையாய் உடையவனே
மனுவென்ற பேரரசன் மனமேதான்மகிழ்ந்தானே
சரயூ நதிகரையில் உன் திருகோவில் கண்டானே
பரமபத சத்யதிரு புஷ்கரணியில் தலைவனே
புஷ்ப ராகவிமானம் கண்ட எங்கள் புண்ணியத்தின் புண்ணியனே
ஶ்ரீராமஜெயராம ஜெய ஜெய ராமா
ஶ்ரீராமஜெயராம ஜெய ஜெய ராமா

ஆழ்வார்களால் நீயும் மங்களசாசனம் செய்யபட்டாய்
அகிலத்தையே காத்து நிற்கும் எங்கள் ஆனந்த ஶ்ரீராமனே
குறை சொல்லும் அறியாதோர் கண்டு குறுனகை புரிபவனே
அறியாத அவர்களுக்கும் அமைதியை தருபவனே
ஶ்ரீராமஜெயராம ஜெய ஜெய ராமா
ஶ்ரீராமஜெயராம ஜெய ஜெய ராமா

ராமா நீ உள்ள இடம் அயோத்தியே என்றிருக்க
ஆன்றோர் வாக்கினையே ரகுராமா காத்திடுவாய்
என்றென்றும் எங்களையே நிழல் என தொடர்ந்திடுவாய்
ஏற்றமிகு பெருவாழ்வை எங்களுக்கே தந்திடுவாய்
ஶ்ரீராமஜெயராம ஜெய ஜெய ராமா
ஶ்ரீராமஜெயராம ஜெய ஜெய ராமா