Ang Mapaghimalang Birhen ng Bayang San Mateo

Note: Nagmula ang Imahen ng Mahal na Birhen sa Espanya. Dumaan ng Mexico bago dumating sa Pilipinas...

Ang Mapaghimalang Birhen ng Bayang San Mateo
Nuestra Señora de Aranzazu

Ang debosyon sa Mahal na Birhen ng Aranzazu sa bayan ng San Mateo, Rizal ay nagsimula sa pagdating ng mga Heswita noong 1704. Ang orihinal na nakatayong imahen ay nanggaling sa Acapulco, Mexico.

Ang nasabing imahen ay nasunog noong 1943 noong panahon ng Ikalawang Digmaang Pandaigdig. Ito ay napalitan ng isa pang imahen. Mula noon, lalo pang lumaganap ang debosyon sa Mahal na Birhen ng Aranzazu.

Ang debosyon ay laganap hindi lamang sa Oñate sa Espanya at sa Bayan ng San Mateo sa lalawigan ng Rizal sa Pilipinas. Ito din ay laganap sa iba't-ibang panig ng mundo. Ang ilan dito ay sa Montevideo, Argentina, Peru, Guadalajara, Mexico at sa iba pang lalawigan ng Timog Amerika.