Скачать или смотреть पुणे l नाशिक l औद्योगिक महामार्ग l Highway l Satyajeet Tambe l Monsoon Session l MumbailMaharashtra

पुणे आणि नाशिक यांसारखी औद्योगिक शहरं जोडणारा महत्त्वाकांक्षी महामार्ग 2015-16 मध्ये जाहीर झाला. या प्रकल्पाची जबाबदारी MSRDC (महाराष्ट्र राज्य रस्ते विकास महामंडळ) या यंत्रणेकडे देण्यात आली होती आणि भूसंपादनाची प्रक्रिया सुरू झाली. मात्र 2025 उजाडूनही प्रकल्पाचा वेग अत्यंत संथ आहे. यासंदर्भात आज सभागृहात अर्ध्या तासाच्या विशेष चर्चासत्रात सहभाग घेऊन महाराष्ट्रातील सर्व जिल्हे या प्रकल्पाशी कशा प्रकारे जोडले जातील आणि ते जोडले जात असताना त्यासंबंधित कोणत्या समस्या उद्भवतील याविषयी चर्चा सभागृहात केली.

मी सभागृहात अर्ध्या तासाच्या चर्चा सत्रात खालील प्रश्न मांडले:

1. हायस्पीड रेल्वे आणि महामार्गाची अलायन्मेंट एकत्र करून पुन्हा विलंब करण्याची गरज का?

2. आधीच 30% भूसंपादन झालेले असून शेतकऱ्यांच्या मालकीच्या जमिनींच्या सातबारावर ‘अलायन्मेंट’ टाकलेली आहे मग त्यांना अजूनही स्पष्टता का नाही?

3. संगमनेरसारख्या मोठ्या शहराला इंटरचेंज का नाही?

4. प्रकल्पाची मूळ किंमत 10 हजार कोटी होती ती आता 15,600 कोटी झालीय, खर्च का वाढतोय?

5. नाशिककरांना समृद्धी महामार्गाचा प्रत्यक्ष लाभ नाही त्यासाठी नाशिक-भारवीर कनेक्टरसारखे प्रकल्प अद्याप रखडलेत.


या सर्व प्रश्नांची सविस्तर उत्तर देताना मंत्री दादाजी भुसे यांनी पुढील प्रमाणे स्पष्टीकरण दिले :-

१. हायस्पीड रेल्वे व महामार्गासाठी स्वतंत्र अलायन्मेंट असून नवा रस्ता शेतकऱ्यांना कमीतकमी त्रास होईल अश्या प्रकारे प्रस्ताव करण्यात येत आहे . अलायन्मेंट अंतिम टप्प्यात असून Monarch Surveyors & Engineering ही सल्लागार कंपनी काम पाहत आहे.

२. जिरायती व बागायती शेत जमिनींचं मूल्य वेगळं आहे. शेतकऱ्यांना विश्वासात घेऊन योग्य मोबदला दिला जाईल.

३. संगमनेर इंटरचेंज मध्ये साकूर आणि मानची येथे पॉइंट देण्याचं नियोजन आहे.

४. नाशिकसाठी समृद्धी कनेक्टिव्हिटी सारख्या रिंगरोड, सूरत-चेन्नई महामार्ग आणि इतर कनेक्टिव्ह प्रोजेक्ट्ससाठी काम सुरू आहे. नाशिकजवळ समृद्धी महामार्ग आणण्याचाही विचार आहे.

५. पुणे-नाशिक औद्योगिक महामार्ग शासनाच्या टॉप प्रायोरिटी प्रोजेक्ट्सपैकी एक आहे आणि तो 3 वर्षांत पूर्ण करण्याचं उद्दिष्ट सरकारने घेतलं आहे.

मला खात्री आहे की झपाट्याने औद्योगिकीकरण होत असलेल्या पुणे आणि नाशिक शहरांमध्ये सेमी हायस्पीड रेल्वे असो किंवा द्रुतगती महामार्ग, अशा सर्व प्रकल्पांना निश्चितच गती मिळेल आणि या दोन जिल्ह्यांतील सर्व शहरांना विकासाची नवी दिशा मिळेल. तसेच मी मांडलेल्या सर्व सूचनांवर सरकारकडून योग्य ती कार्यवाही करण्यात येईल अशी मला अपेक्षा आहे.