Скачать или смотреть ព្រះយេស៊ូវគឺជាដង្វាយដ៏ល្អឥតខ្ចោះជំនួសអំពើបាប | Hope Media Cambodia

ក្នុងសំបុត្រទៅកាន់ពួកជំនុំហេព្រើរ លោកប៉ុលបានពិពណ៌នាអំពីព្រះយេស៊ូវដល់យើង។ លោកប៉ុលបានប្រាប់យើងថា ព្រះយេស៊ូវ គឺជាស្តេចនៃស្ថានសួគ៌ និងផែនដី។ ទ្រង់បានគង់នៅខាងស្តាំព្រះនៅឯស្ថានសួគ៌។​ ពួកទេវតារាប់សែននាក់ បានគោរពថ្វាយបង្គំទ្រង់។ គ្មានអ្នកណាម្នាក់អាចរាប់ចំនួននៃទេវតាទាំងនោះបានឡើយ។ ទេវតាទាំងអស់ នោះបានគោរពបម្រើដល់ព្រះយេស៊ូវ (ហេព្រើរ ១៖៥-១៤; ហេព្រើរ ១២៖២២-២៤)។

ព្រះយេស៊ូវបាន គ្រប់គ្រងលើអ្វីៗគ្រប់យ៉ាងនៅស្ថានសួគ៌ និងផែនដី ដោយសារតែទ្រង់បានសុគតនៅលើឈើឆ្កាង។ ការ សុគតរបស់ទ្រង់គឺជាសេចក្តីសន្យានៃអនាគតមួយ គឺថា ព្រះនឹងបំផ្លាញអារក្សជារៀងរហូតទៅ (ហេព្រើរ ២៖១៤-១៦)។ ព្រះយេស៊ូវក៏ជាសម្តេចសង្ឃរបស់យើងផងដែរ។ ទ្រង់មិនដែលធ្វើបាបម្តងណាឡើយ។ ដូច្នេះហើយ បានជាទ្រង់បរិសុទ្ធ ហើយគ្រប់លក្ខណ៍ផង។

ទ្រង់បានធ្វើកិច្ចការសម្រាប់យើងនៅក្នុងរោងឧបោសថនៅស្ថានសួគ៌ (ហេព្រើរ ៧៖២៦-៨៖១៥)។ ព្រះយេស៊ូវអាចជួយដល់យើងបាន ដោយសារតែទ្រង់បាន ថ្វាយអង្គទ្រង់ទុកជាដង្វាយដ៏គ្រប់លក្ខណ៍មួយជំនួសអំពើបាបរបស់យើង។ ទ្រង់ត្រូវថ្វាយដង្វាយនេះតែ ម្តងប៉ុណ្ណោះ។ ព្រះយេស៊ូវបានសុគតជំនួសមនុស្សគ្រប់គ្នា (ហេព្រើរ ១០៖១-១៤)។

ព្រះយេស៊ូវក៏បាន រៀបចំផ្លូវថ្មីមួយសម្រាប់អោយយើងចូលទៅឯព្រះផងដែរ។ ផ្លូវថ្មីទៅឯព្រះមួយនេះមានឈ្មោះថា សេចក្តីសញ្ញាថ្មី។ តើ រូបភាពរបស់ព្រះយេស៊ូវនៅក្នុងកណ្ឌគម្ពីរហេព្រើរនេះត្រង់ណាខ្លះ ដែលប៉ះពាល់ចិត្តរបស់ចិត្តយើងជាងគេបំផុត? យើងមិនត្រឹមតែចាប់អារម្មណ៍អំពីអ្វីដែលទ្រង់បានធ្វើនោះទេ យើងថែមទាំងចាប់អារម្មណ៍អំពីអត្តសញ្ញាណរបស់ទ្រង់ផងដែរ។ ព្រះបានប្រសូតចេញពីស្ត្រីម្នាក់។​ យើងក៏ដូចជាទ្រង់ដូច្នោះដែរ។ អារក្សបានព្យាយាមល្បួងព្រះយេស៊ូវអោយធ្វើបាប។ ក្នុងភាពជាមនុស្សលោក យើងអាចយល់អំពីអារម្មណ៍មួយ នេះបាន។​ មនុស្សបានតិះដៀល និងសើចចំអកអោយព្រះយេស៊ូវ។ យើងបានក៏ត្រូវគេតិះដៀល និង សើចចំអកអោយផងដែរ។

ឥឡូវនេះ ព្រះយេស៊ូវបានគង់នៅលើបល្ល័ង្កនៅស្ថានសួគ៌។ នៅពេលដែលយើង ស្រមៃអំពីទិដ្ឋភាពនៃព្រះយេស៊ូវគង់នៅលើបល្ល័ង្កនេះ ភ្នែករបស់យើងមិនអាចឈប់សម្លឹងទៅឯទ្រង់បានឡើយ។ ទ្រង់មានសណ្ឋានស្រដៀងគ្នានឹងយើងដែរ ពីព្រោះទ្រង់បានក្លាយមកជាម្នាក់នៅក្នុងចំណោមយើងដែរ។ ព្រះយេស៊ូវគឺជាបងប្រុសរបស់យើង។ ព្រះយេស៊ូវដែលជាបងច្បងរបស់យើងទ្រង់ កំពុងតែគង់នៅស្ថានសួគ៌។ ទ្រង់ជាអ្នកសង្រួបសង្រួមរបស់ព្រះ ហើយនិងបាបជន។ ព្រះយេស៊ូវស្រឡាញ់ យើងណាស់។​ ដោយសារតែសេចក្តីស្រឡាញ់របស់ ទ្រង់នេះហើយបានជាទ្រង់យាងចូលទៅសូមជំនួយ ពីព្រះសម្រាប់យើង។

តាមរយៈព្រះយេស៊ូវ យើងអាចយល់អំពីរឿងនៃសេចក្តីស្រឡាញ់រប​ស់ព្រះសម្រាប់ពួកបាបជន និងផែនការរបស់ទ្រង់ក្នុងការសង្គ្រោះយើង។ រឿងនេះចែកចេញជា៣ផ្នែក៖ (១) ព្រះយេស៊ូវគឺជា ព្រះអង្គសង្រ្គោះរបស់យើង។ (២) ព្រះយេស៊ូវគឺ
ជាស្តេចរបស់យើង។ (៣) ព្រះយេស៊ូវគឺជាលោកអ័ដាមទី២។ តើលោកអ្នកមានអារម្មណ៍ថា អស់កម្លាំងដែរឬទេ? តើលោកអ្នកធ្លាប់ទទួលរងនូវការប្រមាថ និងការលំបាកដោយសារតែសេចក្តីជំនឿរបស់លោកអ្នកដែរឬទេ (ហេព្រើរ ១០៖៣២-៣៤)? សូមអោយព្រះយេស៊ូវដឹកនាំលោកអ្នកចុះ។ ដ្បិតទ្រង់គឹជាមេដឹកនាំខាងឯសេចក្តីជំនឿរបស់យើង។ ព្រះយេស៊ូវនឹងសង្គ្រោះលោកអ្នក ថែមទាំងធ្វើអោយលោកអ្នកបានគ្រប់
លក្ខណ៍ទៀតផង។ ទ្រង់តែងតែជួយដល់លោកអ្នកជានិច្ច។ សូមសម្លឹងមើលទៅឯទ្រង់ចុះ។ ទ្រង់ត្រូវរង ការឈឺចាប់ ដោយសារតែមនុស្សអាក្រក់ដូចជាយើងដូច្នោះដែរ (ហេព្រើរ ១២៖១-៤)។

ទ្រង់បានជ្រាបអំពី ការឈឺចាប់របស់យើងជាងអ្នកណាទៀតទាំងអស់។ ព្រះយេស៊ូវក៏បានដឹងអំពីរបៀបដែលដឹកនាំយើង ត្រឡប់ទៅលំនៅរបស់យើងដោយសុវត្ថិភាពផងដែរ។ ទ្រង់បានយាងទៅស្ថានសួគ៌មុនយើង។​
រូបភាពរបស់ព្រះយេស៊ូវនៅក្នុងកណ្ឌគម្ពីរហេព្រើរគឺជាប្រធានបទរបស់យើងសម្រាប់ត្រីមាសនេះ។ ព្រះយេស៊ូវបានបង្ហាញយើងអំពីសេចក្តីស្រឡាញ់របស់ព្រះ។ ព្រះយេស៊ូវបានបង្ហាញថា សេចក្តីស្រឡាញ់ នេះធំធេងជាទីបំផុត។ នៅពេលដែលយើងឃើញសេចក្តីស្រឡាញ់នេះ យើងមិនអាចឈប់សម្លឹងទៅឯ ព្រះយេស៊ូវដែលជាបងប្រុសស្ថានសួគ៌របស់យើងបានឡើយ។

សូមចុច Link ខាងក្រោមដើម្បីទាញយកមេរៀននេះសម្រាប់ទូរសព្ទ Android។
https://play.google.com/store/apps/de...