Шымбай Майжап Самбо

Азада Азия чемионатына жоллама алды

Усы жылдың 18-20-март күнлери Самбо гүреси бойынша Самарқанд ўалаятында Жаслар арасында Өзбекстан чемпионаты болып өтти. Чемпионатқа барлық ўалаятлардан 400 ден аслам ҳәм Қарақалпақстан Республикасы атынан бир қатар жерлеслеримиз қатнасты ҳәм жақсы нәтийже көрсетти, яғный 59 кг салмақта Азада Аймуратова 1-орынды ийеледи, оған усы жылдың июн айында болып өтетуғын Азия чемионатында әўмет тилеймиз. Айнура Қуўанышбаева сыйлы 3-орынды ийелеп шөлкемлестириўшилер тәрепинен диплом ҳәмде естелик саўғалары менен сыйлықланды.
Мағлыўмат ушын ҳәр еки спортшы қызға Шымбай районлық Балалар, өспиримлер спорт мектебинен Махсуд Пирниязов устазлық етип келмекте.
Спортшыларымызи бүгин яғный 20-март сәнесинде Нөкис темир жол вокзалына келип түседи.