DENGIZ SUVO'TLARI: LAMINARIYA ULVA, NEMALION | ДЕНГИЗ СУВЎТЛAРИ: ЛAМИНAРИЯ, УЛВA, НЕМAЛИОН.
KANALIMIZGA OBUNA BO'LING:
/ @biologuz
Yangi bo‘lsangiz kanalimizga obuna bo‘lishni unutmang!
👍Layk tugmasini bosishni unutmang !
🔥Ajoyib kommentlaringizni qoldiring...
Kuningiz xayrli o‘tsin!
Hurmat ila BIOLOGUZ
►ТЕЛЕГРАМ КАНАЛИМИЗ: https://t.me/uzbiolog
►ИНСТAГРAМ СAҲИФAМИЗ: / uzbiolog
►Хамкор Каналларимиз: https://bit.ly/32ibaXL - Android Apk Ilovalar Sayti.
#suvotlar #uzbiolog #biologuz #dengizsuvotlari #laminariya #suvotlarhaqida #ulva #nemalion #dengizkarami
QO'NG'IR VA QIZIL SUVO'TLAR BO'LIMLARI - Dengiz suvo`tlarining bo`yi bir necha santimetrdan 60-70 m gacha boradi. Ular suv tagidagi loy, qum, tosh va boshqa narsalarga yopishib o'sadi. Dengiz suvo`tlari chuchuk suv suvo`tlaridan xromatoforida xlorofilldan tashqari yana karotin (sariq), ksantofil (zarg'aldoq) hamda qo'ng`ir va qizil rang beruvchi pigmentlar bo`lishi bilan farq qiladi. Dengizda tarqalgan suvo`tlarga misol qilib, laminariya turkumiga oid yapon laminariyasini keltirish mumkin. (84-rasm). Yapon laminariyasi yirik o'simlik tanasining yuqori qismi uzun tasmasimon, bo`yi 6-12 m, eni 10-75 sm keladi. Pastki qismi esa kalta silindrsimon yoki novsimon. Yapon laminariyasi dengiz qirg'og`idan boshlab, to 25-35 m chuqurlikkacha bo'lgan va suvning doimo harakatlanib turadigan yerlarida o'sadi. U, ayniqsa, Yapon dengizining shimoliy qismida keng tarqalgan. Yapon laminariyasi jinssiz (zoosporalar orqali) va jinsiy yo'llar bilan ko`payadi. Yapon laminariyasi tanasida ko`p miqdorda darmon-dorilar, shakar va boshqa moddalar to`planadi. Shuning uchun ham odamlar unga «Dengiz karami» deb nom qo 'yishgan. Laminariyadan tashqari qizil suvo`t — nemalion va yashil suvo't — ulva kabi dengiz suvo`tlari ovqatga ishlatiladi. Norvegiya, Islandiya, Shotlandiya, Irlandiya va Angliya kabi mamlakatlarda uy hayvonlari suvo'tlar bilan boqiladi, chunki ular o'zIarining kimyoviy tarkibi jihatidan yaxshi sifatli xashakdan qolishmaydi. Sanoatda dengiz suvo'tlaridan yod va brom olinadi. Qizil suvo'tlarga mansub filloforadan agar-agar olinadi. Agar-agar oziq-ovqat sanoatida marmelad va muzqaymoq tayyorlashda ishlatiladi. Bundan tashqari, agar-agar laboratoriyalarda bakteriyalar va zamburug`lar kabi organizmlarni o'stirish uchun oziq sifatida ham qo'llaniladi.
1. Dengiz suvo`tlari chuchuk suv suvo'tlaridan nimasi bilan farq qiladi?
2. Dengiz suvo`tlari qanday qilib ko`payadi?
3. Dengiz suvo`tlari va laminariya qanday tuzilgan?
4. Dengiz suvo`tlaridan xalq xo'jaligida qanday foydalaniladi?
Dengiz suvo'tlari ovqatlanishda yangi mahsulot bo'lib, bundan bor-yo'g'i yarim asr oldin iste'mol qilina boshlangan. Ammo bugunga kelib, uning foydasi va odam organizmi uchun zarur vitamin va mikroelementlarga boyligi ilmiy jihatdan to'liq isbotlandi. Dengiz suvo'tlarini o'z ratsioniga kiritgan odamlar harakatchan va iqtidor salohiyati baland bo'lishadi. GO'ShT O'RNINI HAM BOSA OLADI Dengiz o'tlari xilma-xil va turli foydali xususiyatlarga ega. Masalan, spirulina nomli turi aminokislotalarga boy, uni iste'mol qilish mushak massasini o'stirishga yordam beradi.Qizil dengiz o'tlari temir va oqsilga boyligi borasida go'sht bilan tenglasha oladi hamda Sharq mamlakatlari, masalan, Xitoyda odamlar ularni go'sht o'rniga iste'mol qilishadi. Hech bo'lmaganda, 30 g dengiz o'tini haftada uch marta iste'mol qilish salomatlikni yaxshilashga yordam beradi. Ya'ni tetiklashtiradi va ish faoliyatini oshiradi.Aholisi dengiz o'tlarini muntazam iste'mol qiluvchi mamlakatlarda insult va miokard infarkti kabi kasalliklar foizi boshqa dalatlarga nisbatan kam va uzoq umr ko'ruvchi insonlar ko'pligi ham bejizga emas. Dengiz o'tlarini doimo iste'mol qilish qondagi estrogenlar darajasini me'yoriga keltirishga yordam berishi isbotlangan. Bu ayollar gormoni bo'lib, uning me'yoridan oshishi sut bezi hamda tuxumdonlarda xavfli o'smalarning paydo bo'lish xavfini oshiradi. Buni e'tiborga oladigan bo'lsak, dengiz o'tlarining laminariya va nori kabi turlariga har bir ayol ixlos qo'ygani ma'qul. Asosan, klimaks davriga yaqinlashgan sari ularning iste'moliga alohida e'tibor qaratish lozim. Yana bir muhim jihati, dengiz o'tlari yarim to'yinmagan Omega-3 kislotalariga boy. Bu o'simlikni salat va taomlarga qo'shib iste'mol qilish qon tarkibining yaxshilanishiga yordam beradi, yurak-qon tomir kasalliklari rivojlanishi xavfini kamaytiradi, arterial qon bosimini ham me'yorlashtiradi. TARKIBIDA YOD KO'PLIGI BO'YIChA REKORDChI.Barcha dengiz o'tlari qalqonsimon bez faoliyatini me'yorida saqlash uchun zarur bo'lgan yodga boy. Bu a'zo faoliyatining buzilishi, yog' bosishi, yurak urishining izdan chiqishi, reproduktiv tizim kasalliklari kabi muammolarga olib keladi. Organizmda yod tanqisligi bolalarning jismoniy hamda aqliy rivojlanishiga ham salbiy ta'sir ko'rsatadi. Ko'plab rivojlangan davlatlar aholisi yod bilan boyitilgan osh tuzini iste'mol qiladi.
Информация по комментариям в разработке