Скачать или смотреть النادر - سلام الله ياروس الروس والهامات والاعلام | سلطان البريكي | بطيء + مميز

الكلمات :

سلام الله ياروس الروس والهامات والاعلام
سلام مايليق الا على السادات والقاده

على هجن الرئاسه شاردات الفكر جات حيام
والا من صدرت فكره تداحم شرد وراده

معانا من حلم بالفوز بنصحيه من الاحلام
على واقع يخلي النار وسط الجوف وقاده

حضرنا ناخذ الناموس واول رقم فالارقام
مدام ان شيخنا قال السيوف رضاه وقناده

تأهب واحتزم وأجزم يسويها سواة العام
نواها ولانواها جابها لو خلف طرواده

رفع سبابته واشر عليها والوعد قدام
وش اللي يقدر يوقفه عن غايته ومراده

طموحاته عجاب وعزمه مضرى على الاقدام
وشبحه فوق مايطرى على التفكير وابعاده

ابو حمدان سلطان المهيب النادر الضرغام
محال ان الليالي بطنها بشرواه ولاده

فلاحيً لو بنحصي فعوله حارت الاقلام
وش الصحف التي تقدر عليها تكتب امجاده

كتبت اعذب قصيده فيه من اجلال واستعظام
وجات الفكره العصمى على طاريه منقاده

سلام الله ياروس الروس والهامات والاعلام
سلام مايليق الا على السادات والقاده