譚輝智新歌講夫妻關係 拍MV與女主角對戲感拘謹

譚輝智新歌講夫妻關係 拍MV與女主角對戲感拘謹

《中年好聲音2》人氣王譚輝智出歌喇！新歌《多麼感激》MV由黃婉恩（Yancy）飾演輝智太太一角，畫面要拍出夫妻感覺，難免會有較溫馨場面。不過輝智睇落有啲拘謹怕羞，連攬攬動作都係以凌空手完成，佢亦笑言自己：「見唔到大場面，一見到就即刻硬曬軚。」

輝智否認係怕太太呷醋，所以先會有咁嘅反應，仲表示自己係「第一次拍嘢」，所以都chock個梁朝偉式深情眼神都難啲。講到太太部分，輝智就話其實自己有叫過太太到拍攝現場監工，不過時間太早，加上太太唔得閒，所以先冇嚟。

新歌講述夫妻關係，輝智就覺得歌詞好似講緊自己同太太嘅故事。而佢更透露，自己有諗過叫太太做MV女主角，亦開口邀請太太，但結局就係慘食檸檬。而喺MV有好多幕都係輝智照顧太太，佢笑言平時雖然都會做呢啲事，但係喺眼神上就當然冇咁誇張。

其實輝智喺五月開騷前已經入過錄音室試唱呢首歌，當時亦同監製張家誠互相交換唔少內心事去燃起感情，繼而開始試唱，不過喺開騷後佢就對歌詞更有領悟，所以再入錄音室重錄歌曲。

#中年好聲音2 #中聲歌手 #譚輝智 #夫妻關係 #多麼感激 #黃婉恩 #張家誠 #人氣王 #中秋 #錄音#溫馨 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0