Скачать или смотреть 🛑ታሪኽ

🛑ታሪኽ #አባጳውሊ

ካብ ናይ #ምድሪርስቲ ናብ ናይ #ሰማይውርሻ፡

🌿​ቅዱስ ኣባ ጳውሊ (ቀዳማይ ባሕታዊ)፡ ዓቢ ሃብታምን ወራሲ ርስትታትን እዩ ነይሩ። ወለዱ ምስ ሞቱ ግን ምስ ሓውኡ "ጴጥሮስ" ኣብ ዓቢ ግጭት ኣተዉ። እቲ ምኽንያት ድማ "ርስቲ መን ይውሰድ?" ዝብል ነበረ።
​💡 እታ ህይወቱ ዝቐየረት ህሞት
​ጉዳዮም ናብ ዳኛ ንምውሳድ እናኸዱ ከለዉ፣ ኣባ ጳውሊ ኣብ መገዲ ሓደ ዘይተጸበዮ ነገር ረኣየ፦ "ሬሳ ሓደ ዓቢ ሃብታም ሰብኣይ ክቕበር ረኣየ።"
​ኣብቲ ግዜ እቲ ልቡ ብመንፈስ ቅዱስ ተተንከፈት። ደው ኢሉ ድማ ከምዚ ኢሉ ኣስተንተነ፦
​"እዚ ኹሉ ሃብቲ ክውርስ ዝተጋደለ ሰብኣይ፣ መወዳእታኡ ሒዝዎ ዝኸይድ እዚ ዓለባ ጥራይ ድዩ? እሞ ደኣ ንምንታይ እየ ምስ ሓወይ ብዛዕባ ዘይጠፍእ ሃብቲ ዝበኣስ?"
​🚶 ዘይተመልሰላ ጉዕዞ
​ኣባ ጳውሊ ካብታ ህሞት እቲኣ ተመሊሱ ናብ ቤቱ ኣይኣተወን። ነቲ ርስቲ ንሓውኡ ሓዲጉሉ፣ ንሱ ግን ናብ በረኻ ገጹ ኣምርሐ። ካብቲ ዝሓልፍ ሃብቲ ምድሪ፣ እቲ ዘይሓልፍ መንግስተ ሰማያት መረጸ። ን70 ዓመታት ድማ ኣብ በዓቲ ብተጋድሎን ጸሎትን ተጸመደ።
​✨ እንታይ ንመሃር?
​ኣብዛ መዓልታዊ ንርስቲ፣ ንስልጣንን ንናይ ዓለም ረብሓን እንበኣሰላ ዓለም፤ እዛ ታሪኽ እዚኣ ሓንቲ ዓቢ ሕቶ ትሓተና ኣላ፦
"መወዳእታና እዚ ካብ ኾነ፣ ንምንታይ ንበኣስ? ንምንታይከ ንጋጮ?"
​📍 ንኹሉ ሓዲጉ ንኣምላኹ ጥራይ ዝሓዘ፡ ኣብ መወዳእታ ንዓለም ክስዕራ ኽኢሉ እዩ።
​ምንጪ፦ ገድሊ ቅዱሳን (ስንክሳር)