Скачать или смотреть បណ្ដុះនិស្ស័យក្លាយជាអ្នកមាន! ទម្លាប់បង្កើតលុយល្អបំផុត៦យ៉ាង | Business Cambodia

ថ្ងៃព្រហស្បតិ៍ ២ កើត ខែពិសាខ ឆ្នាំរោង
ឆស័ក ពុទ្ធសករាជ ២៥៦៧
ត្រូវនឹងថ្ងៃទី៩ ខែឧសភា ឆ្នាំ២០២៤
May 9, 2024

បណ្ដុះនិស្ស័យក្លាយជាអ្នកមាន! ទម្លាប់បង្កើតលុយល្អបំផុត៦ បើធ្វើបានអ្នកនឹងមានឱកាសសល់ទ្រព្យ សល់លុយ

(...)
១. ទម្លាប់ចាត់ចែងលុយប្រចាំខែ

 ពេលអ្នកមានទម្លាប់ចាត់ចែងលុយប្រចាំខែគឺអ្នកបានតាមដានច្បាស់ពីចំណូលចំណាយប្រចាំខែរបស់អ្នក។ ជាពិសេសការធ្វើបែបនេះ ធ្វើឲ្យអ្នកចាត់ចែងនិងបែងចែកលុយយ៉ាងមានប្រសិទ្ធភាពនិងឆ្លាតវៃហើយជាលទ្ធផលគឺអ្នកសល់លុយសម្រាប់ដាក់អាទិភាពលើការសន្សំនិងវិនិយោគ។

២. ទម្លាប់សន្សំនិងវិនិយោគ

 ការមានទម្លាប់សន្សំនិងវិនិយោគគឺជាទម្លាប់ដែលធ្វើឲ្យអ្នកសល់លុយ សល់ទ្រព្យហើយរស់នៅមិនជួបបញ្ហាលុយកាក់ឡើយ។ អ្នកត្រូវមានទម្លាប់សន្សំលុយជានិច្ចព្រោះការសន្សំជួយការពារពីហេតុការណ៍នានាដែលយើងមិនអាចដឹងមុនដែលហេតុការណ៍ទាំងនេះសុទ្ធតែត្រូវការលុយ។ ដូច្នេះបើអ្នកមានលុយសន្សំវាអាចជួយការពារចំពោះហេតុការណ៍ដែលមិនបានព្រៀងទុក។  លើសពីនេះបើអ្នកមានទម្លាប់វិនិយោគដោយមានចេះដឹងនិងភាពប្រាកដប្រជានោះទ្រព្យរបស់អ្នកនឹងកើនឡើងជាលំដាប់។

៣. កំណត់គោលដៅហិរញ្ញវត្ថុ


ដាក់គោលដៅហិរញ្ញវត្ថុឲ្យច្បាស់លាស់ទាំងគោលដៅរយៈពេលខ្លីនិងគោលដៅរយៈពេលវែង។ គោលដៅទាំងនេះផ្ដល់នូវទិសច្បាស់លាស់ដែលអ្នកត្រូវដើរទៅជាពិសេសកាលណាអ្នកបានកំណត់គោលដៅហិរញ្ញវត្ថុអ្នកនឹងមានកម្លាំងចិត្តក្នុងការធ្វើវាឲ្យបានសម្រេច។ ឧទាហរណ៍អ្នកដាក់គោលដៅចេញរកស៊ី នោះអ្នកនឹងព្យាយាមរកលុយនិងសន្សំលុយដើម្បីបានដើមទុនរកស៊ី។


៤. បង្កើតប្រភពចំណូលឲ្យបានច្រើន


ត្រូវចាំថាអ្នកមានគេកម្រមានប្រភពចំណូលតែមួយប្រភពណាស់ពោលគឺគេព្យាយាមបង្កើតប្រភពចំណូលឲ្យបានច្រើនដើម្បីបង្កើតលុយបានច្រើនហើយទ្រព្យកើនលឿន។ ដូច្នេះអ្នកគួរបង្កើតប្រភពចំណូលឲ្យច្រើនទៅតាមសមត្ថភាពនិងលទ្ធភាពរបស់អ្នក។


៥. រស់នៅតាមលទ្ធភាព





គេថាបើនៅក្មេងបើចង់មានចង់សល់ទ្រព្យអ្នកត្រូវធ្វើខ្លួនឲ្យសាមញ្ញបំផុត។ អ្វីដែលអ្នកគួរធ្វើនោះគឺចៀសវាងចាយលុយច្រើនលើរបស់ដែលមិនចំបាច់។ ជាពិសេសត្រូវបែងចែកឲ្យដាច់រវាងការចំណាយលើរបស់ចាំបាច់និងការចំណាយលើការចង់បាន។ មនុស្សជាច្រើនចាយលុយច្រើនលើការចង់បានឬចំណង់ដែលធ្វើឲ្យពួកគាត់មិនសល់លុយ ជួបបញ្ហាលុយជាពិសេសបញ្ហាបំណុលជាដើម។


៦. បន្តរៀនជានិច្ច


សូមវិនិយោគលើចំណេះដឹងនិងជំនាញតាមរយៈរៀនជំនាញថ្មីៗនិងដុសខាត់សមត្ថភាពដែលមានស្រាប់។ ការវិនិយោគលើចំណេះជំនាញគឺជាផ្លូវមួយក្នុងការបង្កើនឥទ្ធិពលហើយបើកផ្លូវឲ្យអ្នករកចំណូលបានកាន់តែច្រើននិងវិនិយោគជាមួយនឹងភាពច្បាស់លាស់ប្រាកដនិយមដើម្បីកាត់បន្ថយហានិភ័យ៕