Скачать или смотреть TVB職藝員聯歡晚會丨郭柏姸羅毓儀即興跳女僕舞 陳煒炎明熹互相支持拉票

TVB職藝員聯歡晚會丨郭柏姸羅毓儀即興跳女僕舞 陳煒炎明熹互相支持拉票

一連兩日嘅TVB職藝員聯歡晚會，連續第二晚喺電視城隆重舉行，電視廣播有限公司主席許濤先生與總經理曾志偉等高層，現身與一班同事食盆菜兼玩大抽獎，呢晚出席嘅藝員眾多，用唔同方式為TVB台慶頒獎禮拉票，《下流上車族》車氏兩姐妹郭柏姸同羅毓儀更即興跳女僕舞，黃庭鋒同宋宛穎獻唱《現代愛情故事》、孔德賢唱《到底發生過什麼事》、袁偉豪唱《馬路英雄》。

鄧智堅指呢晚「車太」江美儀不斷被問「車總」林敏驄會唔會出席，江美儀覺得呢套劇成功入心，真係當咗佢同林敏驄係「兩公婆」，佢哋見大家咁掛住車氏一家四口同關家「哈比族」更即場拉票，江美儀表示：「以前好少人叫你支持《下流》，今次你剔《下流》就係啱，就係叻！」而高海寧亦睇好《下流》。

陳煒同炎明熹(Gigi)呢晚孖住現身，二人喺《青春本我》飾演兩母女，即場互相支持拉票；陳瀅、JW王灝兒、周嘉洛、朱敏瀚及張頴康等主演嘅喜劇《痞子殿下》口碑及收視不俗，佢哋對獎項信心十足，JW好恨拎「飛躍進步女藝員」，朱敏瀚同陳瀅則為身旁嘅張頴康打氣，希望佢奪得最佳男配角，朱仔強烈希望今年台慶頒獎禮上，與JW、周嘉洛及陳瀅可奪得最佳組合獎。

一眾《愛‧回家之開心速遞》演員收工即趕嚟食盆菜兼拉票，見佢哋身穿古裝現身相當搶眼，劉丹稱開心大日子就算幾忙都要出席，眾人起哄指周嘉洛忘記「熊家」，周嘉洛立即解釋：「三太係唔好篤我背脊，我心裡面只係得媽媽，人喺嗰度冇辦法唔講，但我心一路喺呢度。」滕麗名笑指周嘉洛肚餓就會返嚟，三太樊亦敏就希望《愛‧回家》拎「最佳劇集」。

《聲夢傳奇2》學員聲勢浩大，黃洛妍更清唱《I Will Always Love You》展現歌唱實力，彭家賢支持《開心無敵獎門人》較大機會喺「最佳綜藝節目」跑出，佢哋希望拎到「最受歡迎電視歌曲」。

#TVB職藝員聯歡晚會 #許濤 #曾志偉 #郭柏姸 #羅毓儀 #黃庭鋒 #宋宛穎 #孔德賢 #袁偉豪 #鄧智堅 #江美儀 #陳煒 #炎明熹 #陳瀅 #JW王灝兒 #周嘉洛 #滕麗名 #朱敏瀚 #張頴康
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0