農夫 FAMA (feat. 麥玲玲) - 風生水起

農夫 (feat. 麥玲玲) - 風生水起

歌詞 | Lyrics：

主唱 | Vocals：農夫, 麥玲玲
作曲 | Compose：DJ Galaxy
填詞 | Lyrics：農夫
編曲 | Arranged：DJ Galaxy, DJ Tommy

農夫：玲玲出嚟又睇掌喇　農夫今年又攞獎喇
　　　睇掌睇掌睇相　急急如律令
　　　攞獎攞獎演唱　俾啲掌聲有請

農夫：一命二運三風水　人有三衰六旺　我仲要衰到幾歲
　　　究竟點解　佢出世嗰時含住條金鎖匙
　　　又點解　我成間屋仲細過佢個坐厠
　　　又點解　我次次買六合彩時中得一個字
　　　係咪我出事　出世喺亥時
　　　點解　佢係我波士揸波子
　　　我好多Coins佢好多女士
　　　同人唔同命同遮唔同柄
　　　十九八七六五四三二

農夫：一命二運三風水　四捨五入犯太歲
　　　六六無窮都仲咁衰　七除八扣又九十歲
　　　十個光頭都唔同命水
　　　人出唱片我出唱片　出到喺頒獎典禮裡面
　　　鏡頭唔影呢面　觀眾睇我唔見
　　　我哋坐喺側田嘅側面側面側面側過側田
　　　點樣先做到歌星　急急如律令　俾啲掌聲有請

農夫：玲玲出嚟又睇掌喇　農夫今年又攞獎喇
　　　睇掌睇掌睇相　急急如律令
　　　攞獎攞獎演唱　俾啲掌聲有請
　　　一命二運三風水　四積陰德五六歲
　　　七八年後我生個女　九十幾歲都仲未去
　　　個個都唔同命水　人踢波時我又踢波
　　　但係點解人哋踢皇馬　我就踢南華
　　　球迷唔多想睇　我又唔多矜貴
　　　場場都以和為貴打和打和和過和仔
　　　點樣先做到球星　急急如律令
　　　俾啲掌聲有請

玲玲：我話屬豬嘅朋友　屬鼠嘅朋友
　　　屬牛嘅朋友　屬老虎嘅朋友
　　　屬蛇嘅朋友　屬馬嘅朋友
　　　夠唔夠十二生肖呀(點呀　嘅朋友點呀)　嘅朋友
　　　睇掌睇掌睇相　急急如律令
　　　攞獎攞獎演唱　我哋有請玲玲

RAP：我一出世就識睇梅花易數
　　　用咗廿年羅庚東南西北梗係分到
　　　我掌又睇到　相又睇到
　　　要Rap都完全冇難度
　　　鼻頭好有肉　內心就冇毒
　　　眼睛水汪汪　桃花運暢旺
　　　眉尾散　儲錢難
　　　上唇厚重情　下唇厚比較重性
　　　玲玲玲玲　我有嘢問　問吓我嘅桃花運

RAP：C君好男人　過幾年就結婚
　　　呀玲玲玲玲　我有嘢問
　　　問吓我老婆係乜嘢人

RAP：陸永大情人　個老婆好銷魂
　　　呀師父答唔答得到　我第時做乜嘢好

RAP：C君文筆好　最啱做寫稿佬
　　　呀師父賞個面　答我做咩至有錢

RAP：陸永要表演　最適合做幕前
　　　玲玲玲玲咪走住　農夫有咩要注意呀

RAP：C君多主意　陸永要做主持
　　　羅庚最緊要睇得啱　人哋點樣講你都好閒
　　　玲玲出嚟又睇掌喇　農夫今年又攞獎喇
　　　睇掌睇掌睇相　急急如律令
　　　攞獎攞獎演唱　俾啲掌聲有請

請讚好我們的Facebook專頁：
  / twostarsbox  
星音傳動網：
http://www.starsmusic.org

更多農夫歌曲：http://www.starsmusic.org/vhome.php?m...