Скачать или смотреть De Wuilus prissentaert Prins Teun d’n Ierste!

Gruuëts prissentaere weej ós nieje Trio! In en bomvol BMV De Vilgaard waort Prins Teun (Berden) d’n Ierste en zien Adjudante Giovanni (Brueren) en Stan (Faassen) oétgeraope tot ’t nieje Trio ván De Wuilus.

Prins Teun I is 24 jaor ald en werkt beej Hauzer Techno Coating in Venlo. Hae voetbalt same mit Giovanni beej IVO 4 en is ónder andere teksschriever van liedjes. Adjudant Giovanni is 24 jaor ald en is pliessieagent. Adjudant Stan is 25 jaor ald en is docent Lichamelijke Opvoeding beej ’t Valuascollege in Venlo. Teun en Giovanni zien al jaore actief ás zangduo, wonne o.a. ’t Tiener Vastelaovend Konkoer (TVK) en behaolde aafgelaupe jaor de ierste plek op ’t Liedjesmatinee mit ’t zelfgeschraeve ‘Gekke Maondaagsgeluk’.

Volges de statute is de Prins woeënachtig in Velde, tradisiegetrouw naet in de ech verbonde, naet samewoeënend en nag gen dertig jaor.

’t Nieje Trio geit Velde vur in wederom en bizzondere Gekke Maondaag dae opniej mit ’t ganse dörp same wördt gevierd in de fieëstent vur De Vilgaard.

Prins Teun I en zien Adjudante Giovanni & Stan halde op zaoterdaag 20 jannewarie resepsie in BMV De Vilgaard vánaaf 19:30.