村沉萬宜水庫　90歲香港仔尋根勾畫水中故鄉

上世紀戰後香港人口膨脹多次鬧水荒，為解制水之苦，全港最大的西貢萬宜水庫工程於1969年展開，歷時近10年完工，距今已經40年。自此沉入水底的萬宜灣村及沙咀村只留下地名，年逾九旬的老村民陳木勝年輕時到英國奔波謀生，對家鄉的回憶依然40年不變，「喺村入面出世，係正式嘅鄉下仔」，退休後也選擇故土歸根，強調自己是「香港仔」！

30幾歲離村的陳木勝指，當年為了生計到英國打工，「喺倫敦落腳，之後又轉去利物浦、曼徹斯特打工，最後仲開咗間菜館！」但人離鄉難忘的始終是故里，「我哋嗰間屋係最靚㗎，兩層高村屋，但依家都喺水塘底喇！」陳指自己在村內出世，是「正正式式嘅鄉下仔」，但膝下三代人對於家鄉都幾乎沒有記憶，「唔識講客家話啦，只係有時會指住舊相，話佢哋知呢度係舊屋！」他稱雖然獨子已移居新加坡，但自己都選擇回港退休，故鄉雖然回不去，但故人故物加起來，仍能勉強拼湊出半世紀前的萬宜灣村。

當年兩條村落在水庫完工後被安置到西貢墟「上樓」，農耕的生活隨着故里沉入水底。兩村元老及年輕一代，早前聯同嶺南大學歷史系，透過口述歷史、翻查族譜及蒐集舊照文物，將這段逐漸被湮沒的歷史重現人前，並在西貢前萬宜灣鄉立學校舉行「水中故鄉40年展覽」，勾畫出兩村的風俗歲月，也娓娓道出這段搬村往事。

展覽中不少舊物都由75歲的鄒悅芳捐出，蜂籠、打穀桶、劏豬刀到瓦缸俱盛載着半世紀的鄉情，「(搬村)嗰陣唔知有冇用，上咗樓又冇地方擺，個個都唔要，呢啲僅餘嘅就搬咗去祠堂！」自幼失去雙親的鄒伯，12歲時離村「流浪」，起初到筲箕灣五金舖打工、又到元朗開農場，「17歲儲到二千蚊水腳就去咗英國搵食，嗰陣做泥水一日先搵到兩蚊，二千蚊買到兩層樓！」