ลำล่อง(สด) หลาบจำแล้วคำคน - ลายพิณ ชินราช

ลำล่อง หลาบจำแล้วคำคน
ลำโดย ลายพิณ ชินราช
ประพันธ์กลอนโดย สายรัก วาเลนไทน์
แคนโดย ยาณัฐชนน ป่าสน
พิณโดย โนชานน ชินราช
ห้องบันทึกเสียง แฮปปี้สตูดิโอ

ติดตามศิลปิน Facebook ลายพิณ ชินราช
https://www.facebook.com/profile.php?...
ติดต่องานแสดงโทร 084-6692324 โนชานน

ซาวด์ดนตรีสำหรับฝึกร้อง ลำหลาบจำแล้วคำคน
   • ซาวด์ดนตรี ลำล่องหลาบจำแล้วคำคน [ Sou...  

ลำล่อง คนลืมคำ คนบ่จำสัญญา
   • ลำล่อง คนลืมคำ คนบ่จำสัญญา -ลายพิณ ชิ...  

   • JSLGM - กิ๊กดู๋สงครามเพลงเงินล้าน (ปร...  
กิ๊กดู๋สงครามเพลงเงินล้าน (ประชันเงาเสียง - ไผ่ พงศธร)

เนื้อเพลง ลำล่องหลาบจำแล้วคำคน
..........................
โอ้ย...เด้น้อ...หล่ะงึดหัวใจน้อหลายเด้ งึดใจเจ้าหลายเด้...
สังมีเล่ห์ โอ้ย..มีเหลี่ยม หน้างามๆ ส่างมีใจโหดเหี้ยม
เธอเตรียม..ไว้ ฆ่าพี่ชาย..โอ้ย...กินหยังมา ส่างมีใจโหดร้าย
หมายลวงพี่ให้เสียศูนย์ โอ้แม่คุณคนงาม.... ซ่างใจดำ...น้อทำได้ จากกันไป..แต่คราวกี้ เพียงสองปี มีซู้ใหม่ ถืกเขาป๋าลาไล หอบความเจ็บ คืนสู่บ้าน
มาจาต้าน ต่อพี่ชาย.โอ้ย.บอกว่ายังฮักอ้าย ชาย..คนเก่าบ่ลืมหลง ยังพะวง อยูในใจ ย้านพี่ชาย โอ้ย..มีเมียซ้อน
หล่ะคึดอยู่เด้ คึดอยากหวนคืนย้อน อดีตเก่า โอ่ยเฮาสอง น้องได้มอง...คนผิด จั่งค่อยเป็น...โอ้ยแนวนี่ หล่ะเห็นเขาดีนำน้อง เลยเปิดป่อง ทางหัวใจ
ให้เขามาแทนชาย โอ้ย...ผู้ที่หมายน้อเคียงซ้อน ให้เขาลองจนหล่อน
บ่มีเหลือ..แม้แต่หน่อย ขนาดซิ้นสองต่อน ก่อนพี่ชาย เคยได้ต้อย
ให้เขา..จ้อยแม่นบ่แพง..โอ้ย..
กว่าสิมาฮู้แจ้ง ว่าเสียท่าให้แฟนเขา น้องกะเอา...ความสาว
มอบแก่เขา..จนเหมิดเกลี้ยง พ้อผู้ชายเซียงเหมี่ยง
เพียงตั๋วกิน..แล้วกะเซิ่น บ่หวังฮ่วมทางเดิน..กินแล้วเมินเบิ่ดเจ้ย
บ่เคยเว้า..เรื่องแต่งงาน..โอ้ย..
น้องกะเลย ตัดสินใจ กลับคืนบ้าน มาวอนพี่คนจริงใจ น้องได้ทำ..ผิดไป
ให้อภัย..โอ้ย.. แหน่เด้ออ้าย
โตพี่ชาย..พอได้ยินคำเว้า ว่าไปเสียทีเขา หลูโตนเจ้า ถืกเขาปล่อย นางเอ๋ยนาง น้ำตาพัง..หลั่งย้อย มาออยเว้า..ให้พี่ฟัง มาฮักกันอีกครั้ง หยังกะส่างบ่ถือสา ฮักกันมา..หลายปี อ้ายบ่ติว่ามีแป้ว จักสิติไผแหล่ว อยากมีแฟนเป็นคนซั่ว
อ้ายฮักเจ้าหลายกว่า ฮักจนลืม..บ่ได้ ไผมาเกี้ยว..พี่บ่แนม..โอ้ย...
หล่ะคึดนำสองหน่วยแก้ม เคยดมกลิ่นอยู่เทิงเถียง
ข้างกองเฟียง..เฮ้ย.บ่อนที่เฮามีกัน วาดวิมาน..โอ้ย.แต่คราวกี้
หล่ะอ้ายยินดีอภัยน้อง ขออย่ามีใจสอง
ขอเพียงน้องอย่าลวงพี่ น้องสัญญา..ว่ากลับมาเทื่อนี่ บ่มีมื้อ..สิเสื่อมคลาย ได้สองเดือน พี่ได้ฟังข่าวร้าย ว่าชายหนุ่มสิมาขอ น้ำตาคลอ..โอ้ย.เบิ๊ดคำเว้า
ได้แต่เพียงยืนเศร้า บ่มีแฮงฮอดสิหย่าง งึดใจเจ้าเด้..นาง
ส่างใจดำทำพี่ได้ เทิงยืนไห้..ได้แค่มอง บ่คิดเห็น..ตั้งแต่คราวอิน้อง
หมองใจหม่นถืกคนตั๋ว ไผเด้น้อ..ทูลหัว
ซับน้ำตา..เป็นยาแก้ บัดนี่น้อ พี่สิพอๆแท้ บ่แยแส บ่ข้องเกี่ยว
ตัดสินใจเด็ดเดี่ยว สิบ่สนคนจั่งเจ้า โอ้ยคำเว้า..บ่แน่นอน หลาบแล้วเด้อ..
หลาบพอปานถืกฆ้อน ฟาดกะหง่อน ลงหลายหน ย้อนหลงเชื่อคำคน.โอ้ย.
ฮักบ่จริง..คือคำเว้า
สิขอเอาความช้ำ พร้อมสัญญาคนลืมคำ ไปลอยน้ำให้ไหลล่อง
ล้างความหม่นความหมอง ล้างเหมิดความฮักน้อง
ที่มันค้าง..อยู่หว่างใจ จากนี่เด้อ..สิบ่ขอเข้าใกล้ ให้ใจหม่น เป็นหนสาม
สิขอลืมคนงาม..โอ้ย..ผู้บ่จำ..น้อคำเว้า
ขออวยพร ให้โตเจ้า อยู่กับเขา..ให้หมั่นแก่น ให้ครองฮักอย่าคลอนแคลน
คือจั่งโตบักอ้าย..โอ้ย..ชายคน..นี่ ที่ส่งพร...
เด้องามงอน โอ้....โฮะ..โอ..โอย โอ้ยเด้น้อ...