Скачать или смотреть தென்னையை தாக்கும் காண்டாமிருக வண்டு குறித்து வ.உ.சி வேளாண் கல்லூரி மாணவிகள் செயல் விளக்கம்

தென்னை விவசாயிகள் பயன்பெறும் வகையில் காண்டாமிருக வண்டு தாக்குதல் குறித்து நேரடி செயல் விளக்கம் அளித்த வேளாண் கல்லூரி மாணவிகள்


தென்காசி சுற்று வட்டார பகுதிகளில்
கிள்ளிகுளம் வ.உ.சிதம்பரனார் வேளாண்மை கல்லூரி மற்றும் ஆராய்ச்சி நிலையத்தில் பயிலும் இளங்கலை இறுதி ஆண்டு மாணவிகள் ஆசிகா, அனாமிகா, ஹீரா, ஜக்குலின், ஜெயஸ்ரீ, கல்பனா, பேச்சியம்மாள், ரஞ்சனிதேவி ஆகியோர் கிராமப்புற வேளாண் களப் பயிற்சி அனுபவம் பெற்று வருகின்றனர்.

தென்காசியை சேர்ந்த தென்னை விவசாயியான கிருஷ்ணராமர் அவர்களின் தோப்பில் இளங்கலை இறுதியாண்டு படிக்கும் மாணவிகள் காண்டாமிருக வண்டு தாக்குதல் தடுப்பது குறித்து வேளாண் அலுவலர் சரவணன், வேளாண் உதவி அலுவலர் பிரவின் அவர்களின் முன்னிலையில் செயல் விளக்கம் அளித்தனர்.

காண்டாமிருக வண்டு தாக்குதல்களான குறுத்துஇலை சுருங்குதல் மற்றும் முக்கோண வடிவில் இலைகள் வெட்டுதல் ஆகியவற்றை கண்டறிந்து அதனை தடுக்கும் விதமாக ரினோலியூர் இனக்கவர்ச்சிப் பொறியினை பொருத்தி செயல் விளக்கம் அளித்தனர்.

இளங்கலை மாணவிகளின் நேரடி செயல் விளக்க நிகழ்வு விவசாயிகளுக்கு பயனுள்ள வகையில் அமைந்திருந்தது.